مكالمــة طوارىء !!؟؟

السلام عليكم ورحمة الله وبركاته

ايه الاخبار

طبعا كلكم متشوقيين تعرفو الجزء التانى صوووح

وبيتهيأ لى لو قلتلكم انها بعته !!!!!!!!

او انه حلـــــــــــــم

او انا كنت بهجص عليكم

بيتهيألى هتقتلونى

وعلى راى اابى بتقولى حرام عليك

الناس قربت تكرههك من اللى انته عملته فيهم

بس محدش فيكم خمن خالص انا طلعت من الموقف دا ازاى

او فاتنى انى ااقولكم اللى هيخمن التخمين الصح

ليه عندى جايزه

بس يلا ملحوقه فى البوست القادم (مغامره على طريق الغردقه )

وهعمل فيها جوايز وكدا هههههههه

ايييييييييييه مالكم مبحلقين كدا ليه ومتنحيين كدا ليه

لا والنبى محدش يستعجلنى لحسن اسيبكم كمان اسبوعين وااقلكم بعد مااجى من شرم الشيخ

ايوووووووون كدا اتعدلو

بص ياسيدى

بصى ياستى

اممممممممممم
بتبصو على ايه ؟؟؟ (وش مطلع لسان )

طب ليه كدا يعم ربنا يسامحك بتقول انى دمى تقيل

ماسى ماسى

نخش ف الموضوع

طبعا المره اللى فاتت وقفنا لما الفلحوسه مراتى

قالت هو احنا عندنا طبنجه اصلا وراح مغمن عليها تانى

واللى عرفته بعد 3 سننين انها كانت عاملا نفسها مغمن عليها ههههههههه

ولما سالتها كنتى عاملا نفسك مغمن عليكى ليه

قالت يمكن اصعب عليهم هههههههه

المهم انا مكنش معايا رصيد ف الموبيل
الموقف متأزم

الحراميه بقو ف الشقه

الناس كلها نااايمه

ندهت عليهم محدش عبرنى او بمعنى ادق محدس سمعنى

طبعا كل التفكير دا فى اجزاء من الدقايق

يعنى الموقف كله تقريبا مكملشى ربع ساعه

من ساعة ما صحانى حماده لغاية ما الموقف خلص

طب وخلص ازاى بئه الموقف
ااقلكم

فى الاوقات دى كان فيه حاجه اسمها مكالمة الطوارىء

تطلب رقم 112 حتى لو مش معاك رصيد دا بيحولك مكاتلمة طوارىء

بيوصلك بشخص وانت وحظك بئه

المهم انا افتكرت الرقم دا علطول قمت متصل بيه

رد عليا شخص قالى خير

قلتله انا تاجر كبير اااوى وفى حراميه بيحاولو يفتحو باب الشقه

وهما عددهم كتير

وانا معايا نص مليون جنيه

المفروض اورده للبنك الصبح

ايووووووووووون هجصت عليه علشان يهتم ويعمل حاجه ههههههه

صراحه الراجل كان زوق جدا

وقالى طب بس استنى انا دلوقتى ف الزقازيق

قاطعته قلتله نعممممممم زقازيق ايه انا ف القاهره

وهنمووووووووت

هيدبحوونا

ههههههههههههههه

وفجأت لقيت ليكم ام محمد بتصووووووووت

هههههههههههههههههههههه

من غير مااقلها صوتت طبعا الراجل سمع هههههههه

وقالى طب اصبر هوصلك بالقسم اللى انت تابع ليه

قلتله علبال اصلا هما ما يتحركو نكون بقينا فى خبر كااان

وهوووووووووووب خطرت ع بالى فكره

طالما انه ممكن يوصلى مكالمه

طيب اديله رقم حد من جيرانى

المهم عرضت عليه الفكره قالى ماشى ملينى الرقم

هوصلك بيهم

وفى نفس الوقت هتصل بالقسم اللى انت تابع ليه

وفعلا اديته رقم تليفون ابو حماده جااارى

صاحب البيت اللى انا واخد فيه مصنع الزيت

هو ضابط متقاعد من الجيش وعلطول سهران
رد عليا ابو حماده

قلتله الحقنى الامر كذا كذا كذا

وبسرعه قالى طب ااقفل

نزل ابو حماده

وصحى الناس اللى فى الشارع

الافنديه طبعا حسو بالموقف دا

ابتدو يهربو

وكااااااااانت المطارده

ههههههههههههههه

و....... و .......

الى اللقاء ف الجزء القاادم

اااااااااااااااااى

اااااااااااى

مين بيحدف

يانهار ابيض انتم بتضربو

طب عاوزين ايه ؟؟

حاااااااااضر هكمل بس انا تعبت

طب ممكن اروح اشرب حااجه واجى


ممممممممممم

طيب طيب

المهم الناس اتلمت وهما حسو بيهم وابتدو يهربو

وزى ماتقولو كانو عاملين حسابهم

لشىء زى كدا

او هما مدربيين
بس مييييييييين

انا بئه اتشجعت وطبعا الناس ابتدو يطلعو ع السلم

هما بسرعه خرجو من باب الشقه

وطلعو ع السطح

واللى ف البلكونه بردو زى مكان مانزلو راحو يطلعو تاانى

الناس اللى بتهرب من الشقه جريت عليهم

لقيت واحد مطلع سيف

اه والله سنجه او سيف

قمت بسرعه رجعت تااانى وقفلت باب الاوضه

بس الناس اللى كانو طالعين ع السلم كانو عاملين حسابهم

وطالعيين بشووم

وبعصياان

قعدو يهوشو ف الناس

والناس تضرب عليهم

اربعه هربو

من فوق السطوح للبيت اللى جنبنا للى جنبه

ومسكنا اتنين

بس ااااااااايه

اتهررررررررو ضرب

والشارع كله صحى لاء دى المنطقه كلها صحيت

ههههههههههههههه

الشرطه جت الساعه كااام بئه ؟؟؟؟؟

الساعه 7 صباحا

وانا متصل بيهم من الساعه 4 ونص

وبعد مامسكناهم اتصلنا بيهم اكتر من مره

علبال ما جم

والحمد لله ربنا سترها

طبعا الحراميه جابو بعض مهما قرو عليهم وعلى عنوانينهم

والى اللقاء فى مغامره اخرى قاادمه

تحياااتى

سنكررررروز

حــــــراميه!!!؟؟؟؟

السلام عليكم اخوتى الاعزاء

العائله المحترمه الاخوه الرائعون

اصدقائى احبائى فى الله والله بحبكـــــم

طب يعم خلص هات من لاخر هتقعد تمدح فينا كتير

كدا انت مش هتبطل رغى علطول لوك لوك لوك اختصر ياحاج

طب يعم مالك بتزق كدا ليه انا بسلم بس على اصحابى اصل نومتى طولت

من بعد ماجيت من السفر وانا نايم ف الخط ههههه مكسل عن كل شىء وكنا هنتحبس

بس ربنا ستر والحمد لله والبنت ابى لحقتنا الله يسترها ثانكيو الجميله ابى

محدش يسأل هى عارفا وانا عارف وامن الدوله عارفا ههههه

ندخل ف الموضوع اولا انا بعتذر لحبايب قلبى كلهم اللى بعتولى


تاجات كتير اوى وانا اللى كنت زمان اول ما ادخلت التدوين

كنت بحلم بتاج واحد جالى تاجات كتير اوى
من اختى الرقيقه سالى

والغاليه على قلبى ام احمد

والجميله ذات القلم الراقى رانـــــدا

وصديقتى الجديده طائر حزين

واختى الرقيقه شيماء الجارحى

وصديقتى الحميمه عاشقة النقااب

وصراحه جتنى تاجات كتير اوى

لدرجة انى كنت بهرب منهم

علشان عاوزا دماااغ وقاعده ع الرايق كدا الواحد يمخمخ فيها

وانا زى ما انتم عارفين مش بلحق ااقعد

وكل شويه مسافر غصب عنى والله
بعتذرليكم كلكم انى هأجل الرد عليها مونكن ؟؟؟؟

طب انت داخل ليه وعاوز تقول ايه

لما ان مش هترد على التاجات

ماشى يعم الحلو ياللى ماسكلى ع الواحده

هحكيلكم حكايه حصلت معايا من 4 سنين

اول مااشتغلت فى المطار قبلها انا كنت صاحب مصنعين

بتضحك ليه ياض انت وهـــو ايوا والله كان عندى مصنعين

مصنع لتعبئه المواد الغذائيه السائله (زيت وخل )

ومصنع لتعبئه المواد الغذائيه الجافه (سكر –ارز – مكرونه – فلفل – وفاصوليا 00000الخ)

ايون انا اسمى جاه من هنا احمد سكر كناية لمصنع السكر

وحكايتى مع المصنعين ازاى بدأت وازاى كبرت وازاى اخترت بينها وبين شغلى فى الطيران

داان شاء الله هحكيه فى بوست بس هيكون طويل اااوى اااااايه ماااالكم متفاجئين ومزمهليين كدا ليه

دى حقيقه والله الله طب فين الحكاايه ااقلكم يعم انت وهى

الحكااايه انتى كنت هندبح ان والاولاد وزوجتى واخويا

اه والله رغم ان اموضوع مخيييف الا اه كوميدى فى نفس الوقت

بص يعم

انا اول مااشتغلت فى المطار وعرفت انى هيكون فى ورديات وكدا

قمت ايه مأمن ابواب الشقه والنوافذ والبلكونه وركبت ليهم حديد

علشان ام محمد متبقاش قلقانه لما اسافر برا مصر

ودا من حسن حظى

المهم فى يوم دخلت انام وفييين قبل الفجر لقيت محمد اخويا

بيخبط على باب اوضتى وبيصحينى

قمت بقوله فى ايه قالى انا حاسس باصوات برا باب الشقه

قلتله بطل تهيأت ونام انت جمعت الفلوس ؟؟؟

(الفلوس دى بنجمعها من التجار بليل بعد توزيع البضائع ف النهار)

وكان محمد بيجمع يوميا فوق ال 50 الف جنيه حاجه فيها الطمع يعنى

المهم هما كانو مراقبين بيتنا واستنو لما حماده طلع فوق والناس اللى فى شارعنا نامو

وكانو طبعا مرتبين كل شىء فتحو باب البيت الرئيسى وطلعو لفوق عند شقتى وبحمد ربنا انى كنت مأمنها

وجزء طلع فوق السطوح ونزل من البلكونه ايون دخلو بلكونة شقتى منا قاعد فى اخر دور فى البيت

المهم محمد حس بيهم وقال ايه بيصحينى ههههههه المهم هو اصر انه سامع اصوات

وانا ااقله مفيش حاجه لغاية ماسمعت الاصوات بودنى طبعا كل كلامنا بالهمس انا ومحمد

كان ساعتها معايا محمد ابنى لسا صغير بس مكنش محمود لسا شرفنا دخلت فى اوضته جبته وصحيت ام محمد براحه

ودخلت حماده اوضتى وقفلناها بالمفتاح وهما لسا برا باب الشقه بيحاولو يفتحو والمجموعه اللى فى البلكوه بردو بتحاول

واحنا محبوسين فى اوضتى

طب اعمل ايه

مكنتش لسا دخلت تليفون ف البيت

والمحمول مكنش فيه رصيد لحظى العاثر اخر مكالمه كنت عاملها قبل ماانام

ومحمد اخويا بردو رصيده كان مفنش طب اعمل واتصرف ازاى ودول لو دخلو

مش هيسيبو فينا حد سليم ياقاتل يا مقتوول

فتحت الشباك انى الاقى اى حد ماشى فى الشااارع ابداااا

ااقى حد فىبلكونه حتى صاحى ابدااااا

واحد من الحراميه شافنى زى ماتقولو كدا ترقب اللى هيحصل

المهم ولا اكنه شافنى وقعد يكمل

مهو الجو شتاء وهما مختارين توقيت قااتل الساعه تقريبا كانت 4بعد نص الليل

طب اتصرف ازاى ام محمد قاعدا منكمشا كل اللى عليها هيدبحونا هيدبحونا

وحماده اخويا هو كمان متوتر مش هقلكم انا ركبى كانت بتخبط فى بعضها

قعدت ادبدب برجلى لى الناس اللى تحت محدش عبرنا وهما اللى كانو قارفنا لو حد جاه

من اولاد اخواتىولعب ف الشقه ودبدب ولا حاجه

المهم قلت اعمل فيها شجاع وقلت اعمل زى الافلام

قعدت انده فى الشارع يا ابو محمد دا جارى

ياابو وليد يا حاج احمد كل دول جيرنى

ان حد يعبرررنى ابدااااااااااااااااااااااااا

باب الشقه اتفتح يا ليله سودا دخلو فعلا الشقه

طب اعمل ايه اتصرف ازاى هياخدو الفلوس

طب انا شفت واحد منهم وهيقولوهم انى شفته يبقو مش هيسيبونا صوتى ياام محمد

ام محمد اغمن عليها ههههههه قوووم ايه استجمعت قواايا وقلت باعلى صوتى

هاتى الطبنجه يااممحمد من تحت السرير طب الوليه مغمن عليها

المهم الفلحوسه تصحى ع الكلمه دى وتقولى باعلى صوتها وتسمعهم

هو احنا عندنا اصلا طبنجه ااااااااه يااا ناااصحه

طب عديها واعملى فيها ان احنا عندنا طبنجه

وو0000 اممممممممممممممم

كفايه عليكم كدا

وانتظرو الجزء الثانى

مكالمـــــة طوارىء

احمـــــد ســـــــكر

عودا احمـــــدا !!!!؟؟؟؟

السلام عليكم ورحمة الله وبركااته

وحشتونى جدا اصدقائى الغاالين

ايون هو انا سكر بشحمه ولحمه

رجعت من السفر بعد انقطاع المصروف ههههههه

ااقصد انقطاع الماموريه لاسباب لا نعلمها

ماعلينا وحشتونى جدا

استاذنكم اناااام شويه واستريح

وبعد كدا الف عليكم كلكم

لان بلوجاتكم كلها وحشااانى

للاسف مكنتش بعرف ادخل بلوجات من برا

تحيااتى

احمد سكر

مغامره على الطائره

تحديث

=========

اشوفكم على خير

هنغيب عن المدونه 15 يوم

خالو بالكم منها

هتوحشونى جدا

االسلام عليكم ورحمة الله وبركاااته

عاملين ايه يا قمامير

حلوه امامير دى وحشتونى جدا وهتوحشونى جدا جدا

طبعا انتم عارفين انى كنت مسافر عمان

ماموريه سريعه كدا قعدت فيها يومين

بس شفت فيهم العجب العجاب

حصلة حتى مغامره فى الطياره

انما ايه من اللى قلبكم يحبها

زى افلام السينما الامريكانى كدا افلام الحركه هههههههه

ال اكشن وحركه ال

ندخل فى الموضوع مش كل شويه رغى رغى كدا

ركبت الطياره الساعه 10.15 مساء

بعد تاخير ربع ساعه عن معادها عادى يعنى

وانا رايح اركب الطياره لقيت اتنين من زملائى تحت الطياره بقول ليهم فى ايه

مش العاده يعنى ايه جايبكم دلوقتى ؟ قالو كان فيه مشكله بسيطه فى هيدروليك الطياره

وخلاص اتحلت والحمد لله غيرنا الماسوره اللى كانت مكسورره

المهم سلمنا ع بعض واتمنولى التوفيق انا والمهندس اللى معايا

وركبت الطياره وقعدت مكانى وربطنا الحزام واتحركت الطياره

وهوووووب بسرعه الكابتن عمل تيك اووف اقلااع يعنى بالعنجليزى هههههه

المهم حصل اهتزاز ورجرجه فى الطياره وهى بتطير انا والمهندس بيصنا لبعض بصه ذات مغذى

طبعا لان الاهتزاز دا مكنش طبيعى هو قرأ فى عينى وانا قرأت فى عينه التوتر والقلق بس بسرعه

الامور رجعت لطبيعتها والطياره بقت استيبول متزنه يعنى المهم انا بصيت للركاب ولا على بالهم اى شىء

طبعا مهو محدش يفهم اللى حصل الا ناس فاهمه انما هما الامر بالنسبه ليهم عاادى المهم الحمد لله

الكابتن ماشى فى مساره الطبيعى والامور كلها طبيعيه وقووم ايه اشوف ليكم قمر ايون قمر من بتوع الضيافه

جت عندنا وسلمت علينا

ازيك ياباشمهندس

اهلا بيكى

منورين الطياره انا طبعا زمليتكم اى حاجه اندهولى فورا

البنت عنيها زى العثل ههههههه ما انتم عارفين اخوكم بيتوووه فى العيون الغاامضه

اااى ايه دا مين حدف الكرسى دا مااشى مااشى من اولها

طيب مش هكمل ومش هحكى اممممممممممم

طب خلاص محدش يحدف حاجه تانى وانا هكمل

ايون شاطرين وصلنا للاموره اللى عنيها ملياانه غموض

ما علينا انا طلبت نسكااافيه وقلتلها لازم يكون برغوه ههههههه

زى اللى بتعمله قوس قزح ههههههههههههه

المهم جابت النسكافيه وشربته وحطيت دماغى ع الكرسى ونمت

خخخخخخخ خخخخخخخخ لاء لاء مش بعمل اصوات والله وانا نايم


دا علشان الحبكه الدراميه بس المهم انا رحت فى النوم وفجأه لقيت اللى بيصحينى

وهو مخضوض لقيتها دينا ايون منا عرفت ان اسمها دينا المضيفه بتقولى قوم بسرعه ياباشمهندس

الكابتن عاوزك جوا حالا انا لما فقت من النوم حسيت بحركه مش طبيعيه فى الطياره

واهتزاز بسيط مش اهتزاز مطبات هوائيه لاء اهتزاز يدل على وجود عطب فى هيدروليك الطياره

بالخبره يعنى قمت بهدوء علشان محدش من الركااب يحس بحاجه ودخلت عند الكابتن لقيت وشه احمر

وبيقولى عندى تسريب فى الهيدروليك ودا بياثر بالتبعيه على كنترول الطياره فى الجو مهو الهيدروليك اللى

بيشغل اسطح التحكم على الطياره من اجنه وديل وردر

من مكانى بصيت على اللوحه اللى قدام الكابتن لقيت التسريب عالى جدا والموضع فعلا خطير

بعد شويه الهيدروليك كله يتسرب ومش هنعرف نتحكم فى الطياره قلتله احنا بعدنا عن القاهره بوقت اد ايه

قالى ساعه واحنا دلوقتى فوق البحر وصعب نرجع مطار القاهره وااقرب مطار بينا وبينه ساعه

اتصرف ياباشمهندس لازم نعمل هبوط اضطرارى لازم نوقف تسريب الهيدروليك دا

طب وبعدين اتصرفت بسرعه قلت ادخل على كومبيوتر الطياره علشان اعرف مكان التسريب

وبسرعه عرفت مكانه ياااااااه دى نفس الماسوره اللى لسا زملائى مغيرنها طب وبعدين

دا مكانها فى منطقه حساسه علشان اوصل ليها لازم اخرج من الطياره

طب وبعدين لقيت الكابتن جه ووقف جنبى وهو كمان شاف الماسوره وعرف ان مكانها استحاله الوصول اليه

الا بمغادرة الكابينه ومغادرة الكابينه معناه انتحار

احنا على ارتفاع 40 الف قدم درجة الحراره 35 تحت الصفر

الضغط ضااايع خالص برا الكابينه طب والحل ياباشمهندس

كدا احنا فى خطر رهيب المضيفه سمعت الكلمتبنن دول وانهارت

الركاب ابتدت تقلق طب وبعدين ياسكر

هتعمل ايه فى الوضع دا اولادك مستنينك

اصحابك اخواتك

اعمل ايه لو حاولت اخرج برا دا معناه ان نسبة نجاحى 10 % ويمكن ااقل

الكابتن يكاد يتوسل ليا بعنيه بيقولى حياة 300 راكب فى ايدك

المضيفه بصيت فى عنيها دخت وسرحت اكتر

بصيت للركاب وشفت بينهم اطفال وبينهم نساء

طب وبعدين ياسكر الوقت بيعدى هووووووووووب اهتزاز عنييف جدا

الركاب كلها حست بيها هرج ومرج فى الطياااره يانهار ابيض

شافونا واقفين وباب القياده مفتوح

المضيفه مش قادره تطلع تتكلم كلمتين تطمن بيهم الناس

ياااااااااااااه شريط زكريات مر عليا بحياتى كلها

حبى الاول اللى ضاع منى

حياتى اللى مليانه عذاب وشقى وجراح والاام

زواجى تجارتى قبل شغلى فى المطار

شغلى ف المطار احلامى امممممم

حب اخير فقدته
مممممممممممممممممممم

عربيتى الجديده

اولاادى روووح قلبى بابا وماما كل دا فى جزء من الثانيه

القرار فى ايدى
هوووووووووووووب قطع حبل افكااارى اهتزاااز اعنف

مع هرج ومررج اعلا وصويت فى الطياره

والكابتن بيقولى اتصرف والمضيفعه بتتحايل عليا اعمل حاجه

الركاب شافو كدا كلهم قامو وقفو اغلبهم جم جنبى يابشمهندس اتصرف

هنموووت هنموووت الطياره هتقع

ياباشمهندس ياباشمهندس

ياباشمهدنس تتـــــــــعشى ايه

ايه ؟؟؟؟ اتعـــــــــشى ايه ؟؟؟

هو فى ايه ايه انا فييين

ايه دا انا لسا ع الكرسى ايووون

والمضيفه جنبى بتنده عليا بتقولى ياباشمهندس تحب تتعشى ايه

انا كنت بحلم !!!!!!!!!!

ااه انا كنت بحلم

ههههههههههههههههه

هههههههههههههههههههه

كريزة ضحك رهيبه انتابتنى

وانا عمال ابص للمضيفه والركاب بتبص عليا

وفى عقل بالهم بيقولو ايه المجنون دا هههههههه

امممممممممممممممممممممم

على رأى خيخه

نستفاد ايه من اللى حصل دا

متخليش اى حاجه تقلقك وانت بتركب الطياره

طبعا منظر زملائى اللى كانو بيغيرو ماسورة الهيدورليك

انطبع فى ذهنى خلانى قلقت بعض الشىء مما اثر على احلامى


تحياااااتى

محدثكم / احمد سكر من على جناح الطياره

والى اللقاء فى مغامرات اخرى قادمه

احساس جميل

تحديـــــــــث
اشوفـــــــــــكم على خير
دعواتـــــــــــــكم
ساعه ومسافر
كان نفسى اسمع صوتك قبل مااسافر
كان نفسى اعيش الحلم اكتر من كدا
بتقتلى كل شىء حلو جوايا
اممممممممممممم
تهييس قبل السفر
ههههههههههههههههه
هتوحشـــــــــــونى

السلام عليكم ورحمة الله وبركااته

مش عارف اكتب وااقول ايه

بقالى يومين مش قادر اوصف احساسى او شعورى

من اليوم الجميل يوم تجمع اسرتى الجميله

اسرتى المدونه يوما سيظل عالقا فى ذهنى مدى حياتى

يوم ان التقيت بأناسا غالية جدا على قلبى

بقالى يومين حتى مش عارف ارد عليكم كلكم

عاوز فكرت انى مكتبشى عن اليوم دا خالص

فكرت اخلى ذكراه جوايا ومش اطلعها

فكرت كتير لانى مش هقدر اوصف شعورى او احساسى

بجد ياجماعه اليوم دا فرق معايا كتير اااوى

من اول اليوم وانا بفكر فى اللقاء دا

عارفين ليلة العيد واحنا صغيرين بنلف وندور ونشترى هدوم جديده

علشان نقابل اليوم دا

دا كان زى احساسى ترقب وقلق

يااااه معقوله هقابل الناس اللى بينى وبينها مجرد حروف ع الكيبورد

معقول هقابل الناس اللى عقولها سابقا سنها دى

كتير كنت بمنى نفسى باللقاء دا وكنت برتب ليه

زى يوم التبرع بالدم ويوم الصااوى

بس للاسف فى اليومين مكنتش فى مصر

كنت بشوف الردود والحكايات عن اليوم دا

كنت بدايق اوى علشان مش بكون موجود

الى ان جاء لى اليوم المشهود

لما كلمنى احمد البوهى وقالى على الموضوع كله

قلتله ياريت تكون الحفله قبل اخر الشهر علشان احتمال اسافر

وفرحنى جدا لما اتصل بيا تانى

وقالى احنا عملناها يوم 25

من ساعة ماكلمنى وانا بستعد للقاء دا

الى ان جاء اليوم

واقتربت الساعه من الخامسه

ورحت هناك عند المكتبه

على الباب قابلت احمد البوهى

وطلعت معاه السماعات اللى كنتم بتسمعو بيها هههه

وبعد كدا احمد اتخطف من قدامى

وفجأه لقيت نفسى وحيد وسط بشر كتير

اغلبهم مجموعات اول واحده عينى وقعت عليها وعرفتها مباشرا

هىبرنسيس دودو صاحبة مدونة (حقل التيوليب الاحمر)

عرفتها من شكلها لان شفت صورتها مره

مكلمتهاش لانى كنت محرج جدا

وانا واقف لوحدى عمال ابص ع الناس

ناس عماله تتعرف على بعضها وانا محرج اكلم اى حد

ولا اسال اى حد

كنت زى التايه فى سوق كبيره مش عارف لا اولا ولا اخر ليها

الوقت عمال يعدى والناس عماله تكتر ويتعرفو على بعض

وانا واقف زى ماانا مفيش جديد لغاية مااتخذت قرارى

وقلت انا هنزل اروح انا ماليش فى الكلام دا

ياعم انت فين من الناس دى كلها

لغاية مالقيت انسان محترم جدا

لقيته واقف لوحده هو كمان اتشجعت ورحت لغاية عنده

وسالته! حضرتك مدون ؟

قالى ايوا انا اسمى هشام

صاحب مدونة كلام هشام

انسان رقيق جدا محترم جدا طول الحفله كان لوحده

وشفت الصباغ بوسامته المعهوده طبعا ايون شاب زى العسل ماشاء الله

ومحبوب من الجميع بس هو محاولش يكلمنى
لانه مكنشى يعرفنى

بعد كدا شفت من بعيد واحده ملموم حوليها بنات كتير

وبتاخدهم بالحضن والبوس وكدا اممممممممم قلت مين ياترى

احرجت اسال اى حد عنها وفجأه سمعت ظيته وظمليته

لقيت واحده طالعا على السلم واول مادخلت عملت ظيته وظمليته

واول ماشفها الصباغ سلم عليها بحراره وهى سلمت على اغلب الناس

كانت عارفا اغلبهم هى طبعا بجرأتها قالت للصباغ ايه ياعم

تعالى عرفنا على الناس

المهم انا حودت نظرى عنهم وانشغلت فى ناس تانى

وهوووووووووووب سمعت صوتها وهى بتعرف نفسها على بنت

وتقولها انا اااابى

ادورت 360 درجه ههههههههه وبصلتها

وقلت هى دى بئه ااابى الله طب فين الخرفااان

وفين حرس الكوكب بتاعها امممممممم

فضلت اتابعها من بعيد وانا محرج اروح عندها

بس هى بصتلى مرتين زى ماتقول كدا بتشبه عليا

لغاية مالقيتها مقربا جنب منى وانا بصلتها واتشجعت

وقلتلها امال فين الخرفاااان

بصتلى كدا وقالت مين ؟؟؟

قلتلها مش هقلك انتى اعرفينى

علطول قالت انت سكررررررر

هى قالت سكر من هنا ولقيت ناس كتير اوى بصتلى

وانا بقيت فى نص هدووومى

المهم قلتلها ايون انا سكر ياستى فين خرفانك بئه

ضحكت وقالتلى تحت ف الشارع

سلمت عليا بحراره مكنتش اتوقعها ابدا
وسالتنى امال فين الناس تعالى عرفنى ع الناس

قلتلها والنبى سبينى داانا حااايس

ومش عاارف حد خالص

والله جدعه اوى اابى

خدتنى من ايدى وقالتلى طب تعالى

انا هعرفك ع الناس

وقعدت تعرفنى الناس وبقيت مبسوط اوى بيها اولا

وبالناس اللى كانت بتعرفنى عليهم
وسالتها عن اسلام قالتلى جااى ورايا
لان عربيه عطلت وهيكمل مواصلات
عرفتنى على سووووو العجوز اللى بقلب طفل

الولد الجدع بمعنى الكلمه

وفجأ ه لقينا انسانه داخلا سلمت ع الصباغ

وعرفت من كلامها انها فاتيما

مبقتش مصدق وقلت ف بالى معقول دى فاتيما

معقول دى الانسانه الحنونه اللى شايلا اكبر هم فى حياتها

سلمت عليها واتخطفت من قدامى

كل اللى يعرف انها فاتيما يشفطها هههه وياخدها بالاحضان

وخصوصا ااابى

وجى كنج تووت وسلمت عليه ماشاء الله بنوته زى العسل

وشفت دكتور حر ماشاء الله عليه انسان فى قمة الذوق والاحترام

وقابلت الجميل احمد مبارك الولد الطيب اللى تحس انك تعرفه من زمن

وهوووووب لقيت البنوته ااابى عملت هيصه وجريت على بنوته صغيره وخطفتها

واخدت مامتها بالحضن رحت لاابى وقلت ليها مين دى

قالتلى دى رودى بنوته مصريه قلتلها بجد والله

قالتلى ايون مكنتش مصدق صراحه لانى مكنتش متخيلها كدا ابدا

انا كنت فاكرها بنوته صغيره 17 18 سنه كدا

فوجئت انها متزوجه ربنا يحفظلك بنتك نور ويبارك ليكم فيها يارب

انسانه رقيه جدا جدا تحس انك تعرفها من زماان والله

قعدت تكلمنى وتعرفنى على الناس لانها كانت تعرف اغلبهم وكانت تقريبا دليلى فى الحفله
بجد بجد كنت سعيد جدا بيكى ياام نور

وهوووووووووب لقيت راجل كبير واقف وناس كتير واقفه حوليه

مين ياناس الرجل الطيب دا

طلع الاب الحنون الاب بمعنى الكلمه (بابا ابو خالد )

مبقتش مصدق معقوله معقوله قطع المسافه دى كلها

من بورسعيد للقاهره

علشان يشوف اولاده فى يوم فرحهم

اخدته بالحضن

حضن ابوى صااادق حضن حنووون

وقعدت اتكلم معاه كتير كتير ااوى

فعلا مايتشبعشى منه

وشويه لقيت واحده داخله عاملا زى التيهه هى كمان ههههههه

رحت لعندها وسالتها حضرتك مين

وطلعت المفاجأه (قوس قزح )

فعلا والله كانت من اسعد مفاجأت الحفله

بنت جدعه وبنت بلد

رغم انها قاعد فى منطقه من ارقى مناطق مصر حاليا

جدعه بمعنى الكلمه والله

سعدت جدا بمعرفتك ياام نور

شويه ولقيت ابى بتنده عليا وبتعرفنى على خطيبها اسلام

ماشاء الله عرفتى تختارى ياابى

اسلام زى العسل وشاب جميل وعقله كبير والله

ربنا يتمم ليكم بخير يارب

شويه ولقيت واحده ماشاء الله عليها مبتسمه

وابتسامتها تجنن والله وفوجئت انها بتقولى انها المفقوعه مرارتها

قلتلها مش ممكن هههههه انسانه بجد رقيقه جدا والمفاجاه

اختها رئيسة حزب الاحلام ايون سلوى رئيسة حزب الاحلام

اخت سحر مفقوعه مرارتها من حماتها

ما تتخيرش عن اختها فى خفة دمها ورقتها

وروحها الجميله

شويه وشفت ميييييييين بئه

الخجوله جدا

اللى مش لمضه خااالص (دكتوره لمااضه )

بجد ياجماعه فرحت اوى اوى اوى

لانى رايح الحفله وانا كان نفسى اشوفها

لانها من اول المدونات اللى دخلتها فى حياتى

سلمت عليها وبجد خجوله جدا

تكلمك كلمه والتانيه متلاقيش عنيها خالص

عنيها تروح فى الارض من الخجل

بجد يا دكتوره لماضه كنتى من الناس اللى بمنى نفسى بمعرفتها

والحمد لله سعيد جدا بمعرفتك والله

وشفت كمان الرقيقه مى بهاء ودودو صديقتها

وطبعا مى من الناس طبعا اللى كنت بردو بتمنى اشوفهم فى الحفله

لانى بستجدعها جدا من ساعة البوست اللى نزلته مخصوص علشان لمااضه

وشفت شهرزاد بس معرفتش اسلم عليها لانها كانت مشغوله

وشفت كمان داليا ( اهو دا عيبه )

وشوفت الرقيقه الجميله امااانى (اخر العنقود) اللى كنت بسال عليها

قبل ماتيجى سعدت جدا بيكى ياامانى الو اننا معرفناش نتكلم خالص

وهووووووووب الاستاذ الجميل والاخ الصادق (همس الاحباب)

ابو همس الولد الجدع اللى تحس بصدق اخويته وحنانه الاخوى

وانت بتكلمه ياخالد انت من اجمل الاشياء

اللى حصلتلى فى الحفله

وشفت كمان ابن حجر العسقلانى اللى كان نفسى ااقضى معاه وقت كتير

بس حبايبه كتار معرفتش اكلمه خالص

وكمان سلمت على شيماء الجيزى ام دم خفيف

البنوته الجدعه بنت بورسعيد

وهنا ويجى اجمل ماكان فى هذا اليوم

لما رحنا البورصه واحتفلنا بعيد ميلاد اختنا الحنونه فاتيما

فاتيما اللى من اول مقابلتها وانا كنت حاسس انها زعلانه منى

لغاية كاكلمتها واحنا ماشيين وقلتلها انتى زعلانه منى

قالتلى ابدا حد يزعل من اخوه بردو وبعدين انت عملت حاجه اصلا تزعل

واتكلمت معاها كتير سالتنى عن اولادى وسالتها عن يوسف

بجد الحديث معاها شيق جدا ومش يتشبع منه خالص

اخت بمعنى الكلمه سعديد جدا جد بمعرفتك ياام يوسف

وبشكرك جدا جدا انك جيتى الحفله دى

يا احلا اخت فى الدنيا كلها

وهنا ووصلنا للبورصه وناس كتير جت وكان فى واحده قاعدا قدامى طول الوقت

فى البورصه كانت جنب فاتيما واابى

وانا محرج اسال هى مين

.لغااية ما جيت ماشى مروح

ومن حسن حظى انها كانت فى طريقى وانا مروح

وعرفت انها نيرمين صاحبة مدونة كلاكيت تانى وتالت

انسانه طيبه جدا

محترمه جدا

رقيقه جدا

ربنا يحفظلك اولادك ويبارك فيهم

وينجحلك الاموره بنتك يارب

نيرمين

سعدت جدا بمعرفتك

ياااااااااااااه

بجد كان يوم حلو اوى

واحساس جميل جدااا

ناس ملحقتش اتكلم معاهم بس سعدت بانى سلمت عليهم وشفتهم
الاستاذ نضال سلمت عليه وملحقتش اكلمه


شيماء مهدى – الاستاذ محمد (يوميات عيل مصرى)
الاستاذ احمد القاضى (المراكبى )

رامز عباس

الجميله نبضاات اللى كان نفسى فعلا اكلمها

بس خجلها منعنى

شفت كمات صاحبة مدونة (والقادم اجمل ) بس اسف لانى نسيت اسم حضرتك

يارب مايحرمنى منكم يا احلا عائله

محدش يزعل من اللى نسيت ااقول عليهم

لانى بجد كنت زى التاايه

تحياااتى

احمد سكر

ال مكبوتون ال ....

السلام عليكم ورحمة الله وبركاته

ويلكمووو للجميع منورين وانتم عندى داخلين

ولكلامى قاارئون ههههههههههههه

من كم يوم اااابى نزلت بوست

عن الكلام اللى انكتب عن المدونون

وال ايه قالو عليهم انهم مندسون

وكمانن شوية مكبووتون

طب ماشى انتم مالكم الناس دى بتكب

وكلامها زى الفل والله ناس محترمه

كان نفسى حد يسالنى ويقولى ياسكر

حياتك كانت ايه قبل التدوين

وبقت ايه بعد التدوين

بس خوسااااره بما انى لسا جديد فى التدوين

قلت ياواد ياسكر اصبر

يمكن مستنيين لما تقدم شويه فى عالم التدوين

بس لما قريت البوست بتاع اابى

قعدت مع نفسى وسالتها الناس اللى كتبت الكلام دا

تقصد ايه وعاوزا ايه

هل لان المدونون بقى ليهم صوت وبقو فعلا يتسمع ليهم اراء

وبقو طائفه كبيره اوى من الشباب والكبار

حبو يتكلمو عنهم حبو يهاحموهم وهما متاكدين ا ن المدنونن مش هيسكتو

اه مهم كتير ماشاء الله

ولا الناس اللى كتبت الكلام دا بتفكر ازاااى

قلت اضرب انا بنفسى المثل كنت ايه وبقيت ايه

قبل التدوين كان اغلب دخولى للنت فى المنتديات

ياما بكلم اصدقاء ليا

المنتديات وانا بقالى سنين فيها

جت فتره لقيت ان كل المواضيع اللى فيها

مكرره

منقووووله

ايوه الموضوع ممكن تلاقيه فى كل المنتديات

دا ينقله من هنا ويحطه هنا

لغاية مابقت كل المواضيع متشاابه

ومفيش جديد وبقى فى حالة ملل وزهق

حتى الردود بقت كلها مكرره وبقت حاجه تزهق فعلا

وبقت امل من دخول النت كنت ساعات

بقعد بالاسوع ماادخلشى النت خالص

لغاية ما صديقتى الغاليه جدا على قلبى

اللى هى سبب دخولى عالم التدوين

المعتزله حاليا عن عالم التدوين

مـــــــــــــــــوءه او العنقاء كما عرفتموها

او قبلة الحياه فى اخر مدوناتها

ما اقنعتنى ان ادخل هذا العالم السحرى

لقيته عالم تانى خالص

مش مقيد باى شىء

غير المنتديات خااالص

عالم دائم التجدد

مواضيع جديده

افكار جديده

اراء جريئه

بقيت اتشد كل يوم عن التانى

بقيت استعجب من الصداقه البلوجريه

ناس ماشافت بعضها خالص

ناس كل اللى يربطها سلوك

بس بيخافو على بعض ويسالو على بعض

واحد يقولى طب المنتديات مهى فيها الكلام دا

ااقوله المنتديات بتبقى الحجات دايمات مربوطه بالمشرفين والمراقبيين

يعنى علشان واحد يتقرب من مشرف اومراقب او حتى مدير منتدى

يسال عنه لو غاب وكدا يعنى علشان يكسب بنط عنده يشوفه بترقيه يعنى هههه

انما التدوين لقيت حجات تاانيه ناس بتحب بعضها فعلا بدون اى رتوش

بدون انتظار لاى مصالح

شفت لمااضه لما حبت تسيب التدوين وازااى مى بهااء عملت بوست مخصوص

تحسها على العدول عن قرارها وشفت ردود الناس اللى اتثرت بيهم الدكتوره لماضه

وعدلت فعلا عن الفكره

شفت ام شريف (بنت خيخه) لما شتما واحد غير معروف وشفت دفااع الناس عنها وانهم ردو غيبتها

كانها اختهم فعلا كانهم مع بعض يوميا بيخافو على بعض

شفت خيخه بردو

لما نوهت عن حملة التبرع بالدم وفى ناس راحت هما مش كتير

بس المعنى كان اكبر من عدد الناس

شفت رئيس جمهورية نفسه لما دخل شخص وشتمة بوالدته

شفت ازاى كل الناس وقفت معااااه

شفت عالم غريب وجديد

انا لما سافرت وجيت لقيت 50تعليق على مدونه صاحبها مش مووجود

بيسالو عنى وعن صحة بابا اللى عمر ما اى شخص فيهم شافنى او شاف بابا

ازاى يقولو عن الناس دى اشخاص مكبوته او حتى قله مندسه

عمتا انا كتبت كلمتين كدا

مش عارف بئه هيطلعو شكلهم عامل ازاى

انا طبعا ذكرت ناس مش للحسر لا

انا اللى جاه فى بالى كتبته

نحن المدونون
رغم حقد الحاقدون
وان اختلفتم معنا سنظل مدونون
لما انتم قلقون
وتهاجمونا فيما تكتبون
اتخاافون ان تنسوون
ويتحول عنكم كتابتكم القارئون
الهاذا الينا تهاجمون
موتو بغيظكم فسنظل مدونون
ااابى وخيخه وفاتيما مدونون
كيف تتهموهم وتقولون عليهم مندسون
كامليا وراندا وشهرزاد وايناس مدونون
اقراو اشعارهم وكتابتهم وستبحرون
ستبحرووتعيشو مع مايكتبون
ارق الاشعار ارق الاحساسات فكلامهم لؤلؤ مكنون
فرنسا دووبا مفروسه من حماتها مدونون
تابعوم مدوناتهم فهم بكتابتهم ساخرون
يصوغون المشاكل فى قالب ساخر مجنون
اتحداكم ايها الحاقدون
ان كنت تابعتم هؤلاء المدونون
لى لى زمرده شيماء سالى وكمان اخر العنقود
بقى دول ناس مكبوتون
حرام عليكم ايها الحاقدون
حراما عليكم اهؤلاء اناسا يهاجمون
الطائر الحزين عصفور المدينه الجعفرى وابو خالد الرجل الحنون
الراقص مع الذئاب همس الاحباب الربان ناس محترمون
الفارس الملثم عبد الرايق بطوط سوووو
اتحداكم ان كنتم اليهم تقرأون
اتركونا نفضفض
اتركونا نكتب
اتركونا نكتب فى سكوون
دعونا نحن وعالمنا المجنون
روحو بحق زورو هؤلاء المدونون
وعود الينا وصفو ما تشعرون
اقرأو ل افاق حريه -الاستاذ وطنى
عاشقة النقاب مجدااويه ام البنات
دوبااا ورئيس الجمهوريه
ومنتظرين ما تصفون اتركونا ايها الحاقدون
فسنظل مدونون

رجاء محدش يزعل من الناس اللى مذكرتش اسمها

تحياااتى

احمد سكر

خااطره قديمه

السلام عليكم ورحمة الله وبركاته

بما انى مليش نفس اكتب اى حاجه

بسبب الحاله المزاجيه السيئه اللى بنمر بيها

لانى مهما اكتب هيكون كلام مكرر مكتوب فى كل المدونات

ايه رأيكم تشاركونى فى خاطره من الخواطر اللى كنت بكتبها

امممممممممممممممممم

او اللى كنت انا بعتبرها خاطره

عمتا شاركونى بارائكم

كل يومين ان شاء الله

هنزل خاطره من اللى كنت بكتبهم

واتمنى تنال اعجابكم

ومايضرش نبقى نكتب اى حاجه

بس لما الحال يتعدل شويه

الواحد خلاص اتخنق ومرارة خلاص اتفقعت

والله من دلوقتى عايل هم دخول المدارس

محمد فى مدرسه خاصه وبيقولو هيزودو المصاريف 30%

مش دى المشكله

المشكله ان محمود المفروض هو كمان هيدخل كى جى وان

وماينفعش ادخله حكومه الاسباب طبعا كتير انتم عارفينها

مش تناكه والله ولا فشخره بس انتم عارفين تعليم الحكومه شكله عامل ازاى

والمشكله الاساسيه بالنسبه ليا انى ماينفعش يكون ااقل من اخوه

لازم هو كمان مدرسه خاصه

يوووووووه

شفتم جرجتونى اهوه واتكلمنا بردو فى الغلا والاسعار

سكم من الكلام دا كله

وادى الخاطره

وقولولى رايكم

اتهمك الكل يا قلبى بالخيانه

بل ووصفوك بالذل والمهانه

ماذا فعلت لكل هذه الاهانه

لكن لا يا قلبى كفى ذل ومهانه

نعم ساريحهم وانسحب دون ملامه

سانسحب واترك من اتهونى بالخيانه

من قبل اتهموك بالكذب والرياق

من قبل اتهموك بانك تعشق الفراق

من قبل قالو انك سرقت كل جميل لديهم

من قبل قالو انك سبب موتهم وانك قاتلهم

يا لك من معذب يا قلب

يا لك من حزينا يا قلب

لم يتذكرو لك سوى الخيانه

لم يروا منك سوى الاهانه

يا لك من حزين يا قلبى

يا لك من بائس يا رفيق دربى

يا لنا من تعساء

نعم يا قلبى سننسحب سويا ونمضى

ونترك لهم حياتهم التى سلبتها منهم

عذرا يا قلبى خذنى معك الى مثواك الاخير

خذنى معك الى اخر الطريق

خذنى معك فلم يعد لدى رفيق

بعدما تنكر الجميع لكل جميل فعلته

بعدما تنكر الكل ولم يتذكرو لك سوى الخيانه
فيا قلب احرقته الدموع

يا قلب سيظل اسير الشموع

قدرك ان تموت وحيدا

ان تموت عنهم بعيدا

ياترى اكمل تنزيل بقية الخواطر

ولا اكبر دماغى

عمتا دا رابط الخاطره

فى المنتدى بتاعى

http://www.arrz.net/vb/showthread.php?t=3939

واخيرا ليكم تحياتى

احمد سكر

عـــــــمار يا مصـــــر

السلام عليكم ورحة الله وبركااااته

وحشتونى جدا

عارف انى زهقتكم جدا

عارف انكم مليــــتم منى جدا
كل شويه مسافر مســـــافر
مش عارف اتواصل معاكم
طبعا حد يرد يقولى طب لما بتسافر
مش بتدخل نت من هناك ليه ليه
وتتواصل معانا
فى دى ارد وااقوله عندك حق
بس انا صراحه لما بكون برا مر
واذا دخلت نت
ببقى اغلب الوقت بكلم الاولاد
ومش بقعد اكتر من ساعه او ساعتين
لان الفندق حـــــــراق اولى ساعة النت ب 5دولادر
طبعا موش خساره فيكم
بس اغلب الوقت بكلم اولادى
عـــــــــمار يامصر
دا البوست اللى انا كنت عاوز اكتبه من شهر فااات
او كنت فعلا كتبته بس كنت عاوز انزله
بس اول شىء احب ااقوله
احنا فى رحمه عن بلاد كتير
عارفين يعنى ايه
80 مليون
عاوزين يتوفر ليهم كل يوم
اكل
شرب
تعليم
تمريض
علاج
مواصلات
ياااااااااه
البلد اللى كنت فيها مؤخرا
تعدادهم 2 مليون بس
واحنا احسن منهم 80 مليون مره
من غير مااطول عليكم

ودا البوست اهوه
السلام عليكم ورحمة الله وبركاته
كتير منكم فى اغلب تعليقهم عليا

قالى انت قلت ليه عمار يامصر اول ماجيت

صدقونى واسالو كل اللى سافر وبعد عن البلد دى

وهو مسافر بيبقى فرحان وسعيد ان هيبعد

من الزحمه

من الفساد

من الرياء

من السلبيه
من الغشس

من الحكومه


من مشاكل البلد اللى مش بتخلص

ومش هتخلص

بس اتحداكم

ان قدر يستحمل اكتر من اسبوعين

وبيبقى هيتجنن ويرجع للبد دى تانى

بلدنا فيها حجات جميله كتير

مش هعدها ومش هقلها
علشان كل واحد اكيد جواه حجات حلوه او شايف حجات حلوه غير التانى

شىء عجيب عجيب جدا بيربطنا بلدنا مصر

وانا عارف ان كتير هينقدونى

وهيقولوايه الهجايس دى البد زى الزفت وخربانه

البد متباعه

البلد مليانه فساد
عارف والله وحاسه ولامسه لانى من البلد دى

بس ليه منحاولش نشوف الحاجه الجميله ونجملها اكتر
ليه ما نحمدش ربنا ان بلدنا مفيهاش حروب
مفيهاش حرب اهليه بين مسيحى ومسلم بين شيعى وسنى

وطبعا كلنا شايفين وعارفين اهل فلسطين عايشين ازاى

كلنا حاسين باهل العراق عايشين ازاى

لما كنت فى ليبيا اخدنى صديق ليبى وقالى هنروح زى كافتريا كدا
مول وفيه كافتريا زى اللى فى اركاديا وسيتى ستار وكدا
المهم كنا قاعدين وبالصدفه كانت قناة الفضائيه المصريه شغاله
وكان الاعلامى محمود سعد فى برنامج البيت بيتك

وكان معاه طفل تقريبا اسمه محمد

طفل زى العسل ماشاء الله
ضحكته بشوشهجدا

بس عنيه كانتمليانه المرهيب
فى السفر اى حاجه فيها ريحة البلد بتشدك
المهم انتبهت للبرنامج والطفل
الطفل دا كاتن عاوز يغير صمامات فى القلب
ووالده متوفى
والعمليه هتتكلف 125 الف جنيه
وساعتها محمود سعد كان بيستحث الناس انها تتبرع ليه بالمبلغ

كان بيتحايل عليهم كان الفلوس دى ليه

وفى نفس الوقت كان بيبص للولد
ويقوله ماتقلقش
هتعمل العمليه يا محمد

كان بيكلمه بثقه

المهم تعليقات الناس فى الكوفى شوب
شخصا ما

ايه الجنان دا معقوله هيلمو المبلغ

واحد تانى
يا اخى دول عازينليهم شهر يلمو فيها المبلغ ويجلجل صوته بالضحك
وواحد تانى يقول هما لاقيين ياكلو لما هيتبرعو لواحد ب 125 لبف جنيه
انا بينى وبينكم دمى كان محروق من تعليقاتهم

وصديقى الليبى كان قاعد معايا محرج

وطبعا اغلبكم تابع الحلقه دى

وشاف ان الفلوس اتلمت تقريبا فى 10 دقايق

دهشه وذهوول واحمرار وجه على وجوه الشباب اللى كانت بتتريق

ونظره فخر وشعور رهييب بالزهو بأنى مصرى

بلدنا جميله والله
بلدنا مليانه خير
وانا قلت قبل كدا لو ناس بتحب البلد دى فعلا
هتبقى من احسن البلد

عارفين فى السودان اللى هى افقر البلد تقريبا

سندوتش الفول بكام ؟
والله لو قلت هتقولو عليا كدا ب اوهجاص
سندوتش الفول ب 1/2 دولار
مفيش كوباية ميه نظيفه
تخاف تغسل ايدك من الحنفيه
رحنا كافتريا انا وبعض اصحاب ليا
شربنا 3 شاى
ونزلنا شيشه
عارفين بكااام ؟
35 دولار
اضرب انت بئه فى 6 جنيه
السكن هناك
علشان تقعد فى مكان عادى عادى جدا
مش ااقل من 700 دولار شهريا ايجار للمكان
الفندق اللى كنا فيه رغم تواضعه وقلةامكانياته
الليله كانت ب 150 دولار فيه
ودى السودان

المغرب كان يأذن
خلاص كدا اليومخلص
والناس كلها نااامت
اومبقاش حد يخرج من بيته
هنا فى مصر

انزل اى وقت

روح اى مكان
هتلاقى ناس
ناااس
بشر
مش سكون رهيب فى البلد
وكانها بلد اشباح
بعد المغرب
عمار يا مصر
رغم انى عارف ان ناس كتير مش عاجبها الجمله دى

بس دا كان احساسى اول مانزلت المطار
ودى مش اول مره اسافر على فكرا
انا زرت بلاد كتير جدا

وطبعا مش كنت بتفسح

طبيعة شغلى
زى ماانتم عارفين انا بشتغل فى صيانةالطائرات

فا طبيعة شغلى بتحكم انى اسافر بلاد كتير
والله ياجماعه بلدنا جميله اااوى

يبقى عمار يا مصر ولا لاء
والله ياجماعه بلدنا جميله جدا
الاضافه دى برو بعد اللى شفته وانا فى عمان
تخيلو اتعب شويه
اجيب شريط مسكن ب 10 دولار

دواء للكحه 7 دولار

حاجه للبرد ب 10 دولار

الحجات دى لوجبتها من هنا من اى صيدليه مش هتعدى 15 جنيه

يبقى عمار يامصر ولا لاء

لما تعبت فى الفندق

طلبت الخدمه وقلتله هاتلى كوب يانسون

واى ششىء مسكن

بعد عشر دقايق جابلى اليانسون

ولما سالته عن المسكن قالى مفيش

كانت الساعه 1 بعد نص الليل

قلتله طب اتصرف وابعت هاتهولى من برا الفندق

قالى يااستاذ كل الصيدليات قفلت

لاء دى البلد كلها قفلت

طب والحل

اصبر للصبح استحمل

يبقى عمار يامصر ولا لاء

مش هعد مواقف لانها مش بتنتهى

وغصب عنك بتحط بلدك فى مقارنه بالبلد اللى كنت فيها

صدقونى من خلال بلاد كتير زرتها ولفتها

بلدنا رغم كل شىء من ارخص البلد اسعارا

من حيث السكن

الاكل

المواصلات

العلاج

بلدنا جميله جا

وتعالونبتدى من اولادنا

نعلمهم ازاى يحبو البلد

لان مهما لفيتو وشفتم

هترجعو تقولو عمار يامصر

تحيااتى

احمد سكر