CLICK HERE FOR BLOGGER TEMPLATES AND MYSPACE LAYOUTS »

السبت، 6 ديسمبر 2008

عيد سعيد عليكم


السلام عليكم ورحمة الله وبركاته

معلشى استحملونى كمان شووويه

هااانت

بس مكنش ينفع تيجى فرصه زى دى

ومش ااقلكم كلكم كل سنه وانتم طيبين

كل سنه ويازائرين مدونتى وانتم طيبين

ويارب السنه الجااايه يكون اللى نفسه يزور بيت الله

يكون هناك يارب

ويكون زى دلوقتى على جبل عرفااات

كل سنه وانتم جميعا طيبيين

عيد سعيد عليكم جميعا يارب



ومتنسوش بكرا الصياااام

وامااانه عليكم

تدعو لوالدتى بالشفاء

كل سنه وانتم طيبين


احمد

الأربعاء، 26 نوفمبر 2008

تعليق للجميع !!.....؟؟

السلام عليكم ورحمة الله وبركاته

مش عارف ابدا منين ولا أأقول ايه ولا حتى اشكر مين

بجد مش عارف ارد على اى تعليق من تعليقاتكم

اللى بجد رجعتلى ثقتى ف نفسى من تانى حسستنى بأن فعلا فيه ناس جديره بالاحترام

ناس بتقدر الناس دون اى مصلحه

تعليقاتكم فعلا اثلجت صدرى ورغم تقصيرى معاكم

وانى تقريبا مش بزور حد

بس معلشى اعزرونى لغاية بعد العيد

بعد موسم الحج ما يخلص كل سنه وانتم طيبيين

لانى مضغوط جدا فى الشغل .. ومع ماماربنا يخليكم دعواتكم

دعواتكم ليها ربنا يتم شفاها على خير ........


انا حبيت بس من التعليقات بتاعتكم

اجيب تعليق فعلا خلانى مش عارف ارد على اى تعليق بسببه

بس قبل ما اجيب ليكم التعليق اللى فضلت احطه فى بوسست لوحده

لان التعليق دا لينا كلنا

مش لشخص احمد سكر بس

الاول بشكر جدا اختى (قوس قزح

على النيو لوك اللى هى عملتهولى ف المدونه

وعذرا انا عاجز عن اى رد ليكم والله

وادى الرد اللى قلتلكم عليه ......



غير معرف يقول...
السلام عليكم ورحمة الله وبركاته
ازيك يااحمد ايه اخبارك واخبار اسرتك؟
للاسف لانى مش فاهمه مدونة مقفولة بيكون شكلها ازاى كنت كل ماادخل عندك وتظهرلى صفحه مخصصة للقراء اوحاجة شبه كده اسأل نفسى ليه سكر خصصها لناس معينة مع ان انا واعتقد فى ناس كتير غيرى بيدخلوا يقروا من غير مايكون لهم مدونة او حتى يسيبوا تعليق لكن انا واحده من الناس بدخل عشان اطمن عليكم وعلى احوالكم واضحك مع الضاحك وابكى مع الباكى بحس ان مجرد قرأتى هى مشاركة ومن عندك ياسكر عرفت اكتر من مدون وكانت بدايتى مع مدونة فاتيما اللى بحيها وبدعيلها ربنا يرد لهفتها يارب وكمان عرفت مدونة خيخه وسووو ومن عندهم هما كمان عرفت اكتر من مدونة زى البت لماضة ونيجرو ويوميات عيل مصرى وشاهى وغيرهم انا برغى كتير ليه؟
عشان اوصل لحاجة واحده بجد يامدونين انتم حاجة كويسة اوى اوى اوى واحيانا كتير ربنا بيجعلكم سبب فى انى اخرج من همى واضحك او اخرج من همى لان هم غيرى اكبر, كتير ببقى نفسى اشارك معاكم فى لقائتكم زى بؤجة الخير وزيارات الايتام واللقاءات النسائية بجد كان نفسى اقدر اكون بينكم وباذن الله ربنا يقدرنى فى يوم واحضر معاكم اى لقاء
كل الكلام اللى فوق ده عايزة اقولكم كلكم محدش يقفل مدونتة لاى سبب لانها زى ماقال احمد لنفسكم اولا ثم لناس تانية كتيررررررررررررر بترسموا البسمة فى قلوبها من غير ماتكونوا عارفين ده لانهم لسبب او لاخر مابيقدروش يظهروا او يكتبوا رد على كتابتكم مع انهم تقريبا مراقبين المدونات بتاعتكم
فى النهاية احمد حمد الله على سلامتك وسلامة المدونة
وربنا يديم المعروف
وجزاك الله خيرا
وربنا يكرمك دنيا وآخرة يارب
ياترى يااحمد عرفت انا مين؟؟؟؟؟؟؟؟؟













انا اختك فى الله
(ايمان مصرى)


بيتهيأ لى

الرد دا لينا كلنا كا مدونيين


معذررة كمان مره

هكون مشغول جدا لبعد العيد

واوعدكم انكم هتزهقو منى فى مدوناتكم

بعد موسم الحج


وبعد مااطمئن على ماما

كل عام وانتم بخير جميعا

احمـــــــــــد

السبت، 22 نوفمبر 2008

عودا احمـــدا مسكـــــرا !!؟؟

السلام عليكم ورحمة الله وبركاته

اترددت كتير قبل ماافتح المدونه تانى

وهل لما قفلتها كان قرار صح ؟؟

وهل لما رجعت فتحتها تانى كان قرار صح؟؟

بس صدقونى الاهانه دى شىء فظيع جدا

واظن محدش يقدر يستحمله

كتير سألت نفسى انا ليه عملت مدونه

وليه انا اصلا بدون

لقيت نفسى.....!!؟

رحت لأول بوست انا كتبته وقعدت اقرأ واتمعن فيه

وقلت لنفسى انا انا اصلا عاملها علشان اكون مع نفسى

ولنفسى بس رجعت تانى وقلت ليه الموضوع وصل لحد الاهانه

فارجعت واترددت تانى لغاية ماكلمنى فى التليفون (محمود) رئيس جمهورية نفسه

وطبعا مش هحكى المكالمه بس اللى عاوزكم تعرفوه

ان الشخص دا انسان جميل جدا

وفعلا زى مافيه الوحش فيه الحلو

وطبعا انت يااستاذ محمود غنى عن اى كلمه ااقولها فى حقك

بس بعتذرلك علشان انا اتاخرت فى فتح المدونه

لانى كنت متردد كتير وخااايف فعلا الاقى اهانه تانى

لناس كل ذنبهم انهم خلفونا

بشكر جدا اصدقائى اللى كانو متواصلين معايا

وكانو يوميا بيحثونى انى ارجع المدونه تاانى

وعلى رأى بابا ابو خالد ماينفعشى اذكر اسماء

علشان مش انسى اى شخص

فا مش هقدر ااقول غير شكرا لكل انسان سأل عنى

شكرا لكل شخص رد غيبتى

واتمنى ان شاء الله بعودتى اكون عند حسن ظنكم


(شكرا بؤجة الخير؟...؟؟ )

الخميس، 6 نوفمبر 2008

انت يا من !!؟؟

[SIZE="7"][COLOR="Red"]حين امر على تلك الكلمات

حين امر من هذه الجنبات

ارى انها بضع كلمات

لوقت مضى وفاااات

فيا ليت نشعر بصدق تلك التعبيرات

انت
انت

انت يا من عشقتك حتى الثماله

انت
انت

انت يا من قلت لك احبك

انت يا من هويتك وعشقتك

انت يا من فى لحظه بعت قلبك

لن اخجل حين اقولها نعم عشقتك

وتمنيت قربك وودك

مثلما ملات قلبى بحبك

مثلما اتمنى الان نساينك وكرهك

وحدك انت هزمتنى

وحدك انت اذللتنى

وحدك انت بعتنى

وحدك انت دمرتنى

ولكن هيهات حبى ان اضيع

هيهات قلبى ان ادمر

هيهات عشقى ان اذل

فقد مضى وقت البكاااء

وحان وقت الرحيل

الرحيل الذى اخترته

الرحيل الذى تهواه وتعشقه

فلست وحدى غادرت دنياه

قبلى ايضا انت غادرتهم

وتركتهم يعانون قربك وودك وحبك

لا لن ابكى لانى ما تعلمت من ممن سبقونى

لن احزن انى الدرس كان امامى ولم اعييه وافهمه

ومرة اخرى

لا تظنى انك اخر المطاف

ولا تظنى انى ساظل ابكى

ولا تظنى انى سانظر مرة اخرى خلفى

انت اخترت ان تكون ماضى

انت اخترت ان تكون ذكرى

انت بيديك اخترت الطريق

وانت ايضا اخترت الرفيق

واعدك انى لن أحزن على الفراق

لقد مضى البكاء على الفراق

وانا سأبدا حياتى من جديد

فلن يشغل بالى فراقك

ولن يلتتفت قلبى لرحيلك

ولكنني ورغم ألمي ودموعي التي ذرفتها

شكرا لك حبيبي شكرا لم اعد أريدك

فانا لا ولن أتأقلم مع قساة القلوب

واذا اردت العوده فقلبي مفتوح

فأنا لا أصد بابي عن من أحببته
هذا الحب الكبير
لانني اكره أشد الكره القلوب المتحجرة

احمد سكر[/COLOR]



خاطره قديم3

الأربعاء، 5 نوفمبر 2008

رساله اليــــها !!؟؟

رساله اليها
>>
>>

كل سنه وانتى طيبه ياحبيبتى

كل عام وانتى بخير اميرتى

كل عام وانتى حبيبتى اميرتى ساحرتى

كم اشتاق الى ان اسمع صوتك ابثك حبى

اخبرك بحالى اشكوكى آلامى

كل عام وانتى بخير حبيبتى

كم اتمنى اليوم ان اقولها لكى مباشره

كم اتمنى ان اراكى اليوم ضاحكه باسمه

تردى على وتقولى

كل سنه وانت طيب يااحمد

حبيبتى وحشتتتتتينى جدااااااا




من ردودى على بعض التدويناات

احمد

الأحد، 2 نوفمبر 2008

بدايه ام نهايه ؟؟

لست ادرى من اين ابدا


اابدا من البدايه


ام ابدا من النهايه


ولست ادرى اهى نهاايه ؟


ام هى بدايه؟


خبرنى ياقلبى وقل لى متى تستريح


خبرنى وقل لى


متى تستفيق خبرنى متى تفيق من الاحزان


قل لى يا قلبى متى ستصحو من الاوهام






اهى نهايه ؟؟؟


ام هى بدايه ؟؟


اهى نهاية حب نبض داخل القلب


ام هى بداية حزن والم ومراره ودموع


اهى نهاية فشل وكذب وخداع وخيانه


ام بداية حياه بدون قلب


بدون نبض


خبرنى ياقلبى اهى نهاايه ؟؟


ام هى بداايه ؟؟


خبرنى ياقلب وقول لى متى ستجد حبا صادق


خبرنى وقل لى


متى ستجد من يمسع دمعك بصدق


خبرنى وقل لى


متى ستجد الابتسامه الصافيه


متى ستجد الضحكة الصافيه


متى ستجد اللمسة الحانيه






لست ادرى


اهى نهاايه ؟؟


ام هى بدايه ؟؟


اتطلب المستحيل يا قلب


خبرنى يا قلبى ارحم عيناى من الدموع


بل ارحم انت نفسك ياقلبى من النزيف


على اناسا لا يستحقون حتى طرفة عين


ارحم نفسك ياقلبى وارخمنى معك


ولا تحزن على اناسا الكذب فى دمائهم


التمثيل عنوانهم


الخيانه هى رجائهم


الكراهيه هى ميثاقهم


ارحم نفسك ياقلبى من الاهاات


ارحم نفسك من الغدارااات


واعلم انها النهايه




نعم دعنى ياقلبى اخبرك


هى النهااايه


هى النهااايه


لكنها نهايتهم هم


وابدأ انت


فيا من كنت حبيبتى


يا من كنت امنيتى


يا من كنت غايتى


يا من كنت كل دنيتى


اعلم يا من احببتك


وعشقتتك


انك خاسر


صدقنى انت خاسر


خسرت قلبا كنت انت امنيته


بقدر كل حبى لك


بقدر ما اتمنى من الله ان يبدل هذا الحب كراهيه


ولكن للاسف قلبى لا يعرف الكراهيه لانه


احبك


احبك


احبك


بكل طاقته


اسامحك الله


سامحك الله


سامحك الله


فهو ارحم على منك


وهو وحده قادر ان ينسينى حبك



خاطره قديمه 2

السبت، 1 نوفمبر 2008

لـســـت ادرى ؟؟


اهـــــو حبا

لست ادرى ؟؟
ولكن .....!
ما هذا الشعور الذى يجتنبى حين احدثها
اهو شعورا بالحب ....؟
اهو بداية حب.....؟
لست ادرى
ولكن ما ادريه واعيه
اننى اشعر براحة جمه حين احادثها
اشعر بحنين لحديثى معها
اشعر بلهفه وشوق لكلامها
فأن غابت ........!
احس كان ينقصنى الكثير
ان غابت ........!
اشعر انى ضائع تائه
ان غابت......!
اشعر بحنين وانتظر بلهفه عودتها
ان غابت.......!
احس كانى طفلا صغير ينتظر ....؟
لست ادرى ما هذا الشعور ؟
اهو بداية حب ......؟
لا لا لا لا لا
لن اخوض تلك التجربة مرة اخرى
لالالالالالالا
لن اخوض تلك المعركه
ولكن.......!
ماهذا الشعور
ما تلك الرغبه فى لقائها
ما هذا الذى اشعر به ...؟
لست ادرى ....؟
الرقتها اشعر بهذا
الحنانها اشعر بذلك
نعم فهى حنونة جدا
رقيقة جدا
بلسما لكل حزين
ولكن لالالالا
لالالالالا
لن اخوض تلك التجربة مرة اخرى
لالالالا
لن اخوضها وانا اعلم انى خاسر
فانا دائما الخاسر
كل معركة اخوضها اخسرها
اهو شعورا طبيعى بعد تلك المعركه السابقه
اهو شعور بعد انكسارى وعودتى مهزوما
اهو شعور انهزامى
ولكن........!
ولكنى اجد راحة جمه حين التقيها
راحه افتقدها بشده
اشعر بحنين صادق
ولهفة طادقه
ما هذا ....؟
ولماذا......؟
لماذ انتظر بلهفه لسماع صوتها
وماهذا الشعور الذى يجتنبى تجاهها
هل ساظل فى تلك الحير ...؟
هل ساظل انتظر اجابة لأسئلتى
لست ادرى
ولكن ما ادريه واعلمه
اننى انجرف نحوها وبشده
اننى اميل تجاهها وبشده
اننى انتظرها وبلهفه
وبلهفة مشتاق انتظر عودتها
الذى اعيه
انها الان بلسما لاحزانى
وقلبا اشكو اليه اهاااتى
وطبيبا يداوى الامى





(خاطره قديمه)

الثلاثاء، 28 أكتوبر 2008

اااااااسف

السلام عليكم ورحمة الله وبركاته

اولا بعتذر لكل الناس اللى علقت عندى وانا مرحتش علقت عندها

وبعتذر تانى علشان مش هقدر اعلق عندهم فى الوقت الحالى

ودا لسببين

اولهم انى مشغول شويه

ثانيا لما بحب اعلق عند اى شخص لازم اعلق تعليق يليق بالشخص اللى هعلق عنده

وصراحه دماغى مشغوله جدااااا

فا مش هعرف اعلق تعليق كدا وخلاص


فا مره تالته ومليون

انا ااااسف


وارجو انكم تعذرونى


وصدقونى مفيش اى حد مجبر انه يعلق عندى

انا اااسف للمره المليون

واعذرونى هقفل التعليقات

علشان مش هقدر ارد الزيارات بتعليق

انا بروح ازور واقرأ واتابع

بس صراحه مش قادر احط تعليق عند اى حد

واخيرا ليكم منى ارق تحيه

وانا متأكد انكم هتعزرونى


احمد

الأحد، 26 أكتوبر 2008

ظل شجره


امطرت السماء بعد يوم ملىء بالغيوم

فرحت اقف فى ظل شجرة هائمه

ووقفت احدث نفسى واقلب فى ذكرياتى

ابحث بداخلى عن ضحكتة صافيه

ابحث عن فرحة حانيه

اقلب فى ايام ماضيه

وقفت افكر وابحث وابحث

فلم اجد سوى الم ومراره

لم اجد سوى طعنات وضربات خافيه

وجدت ايامى اغلبها حزينة باكيه

كل هذا والشجرة لى ناظره

وكأنها تسمع انينى وحزنى

ووجدت القليل من الامطار تتساقط من على الشجره

وكأنها تبكى ما بداخلى من ايام ماضيه

وكأنها تواسى قلبى من احزانا دائمه

ورحت مرة اخرى اقلب بداخلى

عسى ان اجد بسمة خافيه

ان اجد لمحة ابتسامة هائمه

وسقطت من الشجرة ورقة دابله

ووجدتها تحدثنى بمرارة بائنه

وتقولى لى انا الاخرى اتألم مثلك

انا الاخرى تعبت من غدر السنين

تعبت من غدر المحبين

تعبت من غدر هذا الزمن

تعبت من كثرت الشجن

انا الاخرى قاسيت الامرين

وعجبت من امرى كيف تحدثنى تلك الورقه

ووجدتنى انا الاخر احدثها

واقول لها

يارفيقتى فى الحزن والالم

يا رفيقتى فى ليالى السهر

اهل سيكون حالى مثل حالك

أأذبل هكذا دون حبيب

أأذبل دون رفيق

هل ستنتهى حياتى بمثل ذلك الالم

هل سأنهى حياتى بتلك المراره

وردت عليا الورقة الذابله

وقالت يارفيقى فى الالم وليالى السهر

مازلت حياتك مستمره

مازلت انت تتنفس

ابحث وابحث عن الحب الصادق

وابحث عن اناس غير الاناس التى عاملتهم

ابحث وابحث الى ان تجد من يستحقون اهتمامك

ابحث وستجد من هم على شاكلتك

قد يكونو امامك ولا تراهم

مثلمها كانو اعز الاحباب امامى ولم اراهم

وكنت ابحث دوما عن المستحيل

وكنت دوما لا ارى امامى

نظرة اليها وتعجبت

امن الممكن ان يكون كلامك صحيح

؟؟

ووجدت نفسى انبش ف الارض

وافحر حفرة صغيره

واودع بها تلك الورقة الذابله

ومعها ادفن ذلك الانسان الضعيف

ذلك القلب الضعيف

وعاهدتها وانا اواريها التراب

ان ابحث عن ..... من يستحق هوااااايا

الأحد، 28 سبتمبر 2008

كل عام وانتم بخير

السلام عليكم ورحمة الله وبركاته


عيد سعيد عليكم جميعا


ربنا يتقبل منكم جميعا الصيام والقيام


وكل سنه وانتم جميعا بخير


دمتم بكل الود والاحترام


احمد

الخميس، 18 سبتمبر 2008

فى انتظار كارثه جديده


فى انتظار كارثه جديده

مش عارف الواحد يبتدى منين

من زلزال 92

ولا من عند حادث القطار الشهير

ولا حادث العباره

ولا حادث قطار قليوب

ولا مجلس الشوورى

ولا الدويقه

والاغرب ان نفس التصريحات هى هى

مش بتتغير

القدر سبقنا بخطوه
هو مفيش مره ياعم الحاج تسبق القدر انت

يعنى تعالو نروح لحادثة القطار الشهيره

قطار الصعيد اللى اتحرق بالناس اللى رايحه تعيد مع اهلها

الناس اللى اتحرقت احياء ودا سببه ايه

اهمال الساده المسئولين عن صيانة عربات القطار

بعد الكارثه وطبعا بعد مااخدو ف رجليهم كام واحد

وبعد كدا طبعا طلعو براءه

التصيريحات بئه اللى اتقالت ايه

تحديث جميع عربات القطاارات
ولستيراد كام مش عارف ايه جرار جداد

وطبعا زودو اسعار السفر عبر القطار

وللان ولا شفنا تحديث ولا نيله

ولا شفنا حتى الجرارات اللى اتبرع بيها عمنا القذافى

ولا الجرارت اللى اتبرع بيها امير قطر وقتها

(تقريبا هما قالوله هات انت بس الفلوس واحنا نشترى )
ولا جديد لغاية الكارثه التانيه بردو قطارين قليوب اللى اتصدمو ببعض

وراح ضحيتها بردو ناس غلابه ودا بردو لاهمال الساده المسئولين

بعدها مباشرا

حادثة مزلقان ناهيا تقريبا

والكام وخمسين واحد اللى ماتو

وساعتها قالو

تحديث جميع مزلقانات مصر

وطبعا لدلوقتى لا شفنا تحديث ولا دياولوه

بردو استنينا الكارثه وقلنا تحديث

طيب ماشى

اهى الكارثه حصلت ومفيش تحديث بردو

هوووووووب ندخل على كارثة الععباره الشهيره

بتاعة عمنا الحاج ممدوح الراجل الطيب

الشهم البرىء ياولداه

وطبعا اكتر من 1300 واحد ماتوو

ودا بردو من اهمال القائمين على صيانة العبارات
وناس سمعت الاستغاثه وكبرت دماغها

وبردو بعدها نفس الجمله الشهيره

تحديث جميع العبارات

والتفتيش على الموجود

طب ياعم الحاج

ليه تستنى الكارثه

علشان تحدث وعلشان تفتش

هو لازم الف واحد يموتو علشان تشوف شغلك بضمير

حسبنا الله ونعم الوكيل

حادث الشورى

وهاخد بس تصريح صغير قرأته

(كان ممكن تفادى الكارثه لو كان فيه جهاز تمنه 60 الف جنيه )

وطبعا الكارثه حصلت ويارتها كانت ولعت بيهم

كنا استريحنا من وشوشهم

بس اللى راح ضحيتها بردو موظف غلبان

والادهى من كدا اننا نقعد تلات ايام نطفى فى الحريق

يادى النيله امال لو كارثه كبيره هنواجهها ازاى ياجماعه

دا الواحد بقى يخاف والله بقى مرعوب

لما حتى مبنى مش عارفين يطفوه

وطيارات وعربيات ولواءات وبتنجانات

امال لو كارثه كبيره هنواجهها ازاااااى

ايه الخطه

هوووووووووب

كارثة الدويقه
واللى حصل

طبعا كلكم عارفينه وحافظينه

هاخد بس التصريح كالعاده

القدر سبقنا بخطوه

واحنا مجهزين الشقق

وكنا هننقل الناس

عارفين عاملين زى ايه

التلميذ البليد لما الاستاذ يسأله سؤال

ويجاوب غلط وبعد الاستاذ مايضربه

يقوله منا كنت هجاوب صح بس انت اللى اتسرعت وضربتنى

مهو تلميذ بليد وفاشل

زى التلامذه اللى عندنا فاااشلين

بعد الكارثه طبعا التصريح الشهير

احنا هنشوف العشوائيات كلها ونحل مشاكلهها

طب ياعم الحاج هو لازم الكارثه تحصل

علشان تشوف حلها

يادى النيله

جتكم ستين نيله

وفى انتظار كارثه جديده

وفى انتظار التصريح الشهير

تحديث شامل تحديث شامل
اوووو
حل شامل لكل المشامل

ههههه

سكر

الأحد، 14 سبتمبر 2008

شكر عميق من القلب


الياس

ذلك الشعور حين يتسلل اليك

تجده يحتويك دون ان تدرى

تجده احاطك من كل الاتجاهات

تحاول انتهرب منه

ولكن بعد فوات الاوان

وبعد ضياع الفرصه منك

بعد ان امتلكك

بعد ان افترسك

بعد ان احاطك

يا له من شعورا رهيب

حين تستسلم اليه

حين تضيع بين براثينه

يا له من الم رهيب

يا له من عذاب بغيض

يا له من الم ابدى

حين تحارب المستحيل

وتحاول ان تنتصر فى معركه

انت متاكد انك فيها خاسر

ولكنك تحار كى ياتى لك الموت سريعا

تحارب فقط كى تنتحر

وتكتشف اخيرا ان الهروب من اليأس

هــــو الانتحاار

فحذاااااااارى من اليأس

ومن ان يتغلب عليك اليأس
وتعالى نعمل حاجه مفيده
نتغلب بيها على اى شعور لليأس
نتغلب بيها على كلمة (هو احنا بأدينا نعمل ايه )

السلام عليكم ورحمة الله وبركاته

طبعا بعد الكلمتين اللى فوق

اللى بوجههم لكل اللى بيحاول ييأس

لكل اللى بيشكك ف الشباب المصرى

ويحاول يخليه يوصل لدرجة اليأس والاحباط

بقول ليهم ولكل اللى بيحاولو لأ

والف لأ

اللى حصل امس دا اعجاز ايوا والله اعجاز

ناس اتجمعت من مجرد دعوه صغيره للخير

ناس كتير جت

ناس كتير قلبها مليان بالخير

ناس كتير عاوزا تعمل حاجه بس مستنيه الشراره

مستنيه البذره والحمد لله البذره انزرعت

والشراره انطلقت

بداية خيخه ويوم التبرع بالدم اول مره كانو 10

تانى مره اكتر من 20

بعد كدا بؤجة الخير وكانو اكتر من 40 مدون ومدونه

كلهم متجمعين للخير

مفيش فرقعه اعلاميه

ولا حتى صحفيه

دعوه من قوس قزح واابى

وكان اليوم رائع بمعنى الكلمه

الى ان جاء يوم امس

ذلك اليوم الذى فاق كل التوقعات

اليوم اللى هيبقى فعلا يوم مشهود

لتجمع المدونيين

هختلف مع ابى هى قالت 60 مدون

انا ااقولها لاء دول تقريبا اكتر من 75 مدون ومدونه

دكتور احمد كمال قالى انا عديت لغاية اربعين ومقدرتش اكمل

غير الناس اللى جت بعد كدا

وااحييكى يا داليا انتى واابى

على التنظيم الرائع

ودا اللى كان مخوفنى جدا التنظيم وان يكون فيه هرجله

بس ماشاء الله عليهم اليوم كان منظم ورائع

صراحة مهما كتبت مش هوصف شعورى وفخرى باليوم دا

وفعلا على رأى احمد الصباغ

انا دلوقتى فخور انى مدون

وفخور اكتر انى شاركت اصدقائى المدونين

وفخور اكتر بالناس اللى شاركت معانا من محافظات تانيه

بداية بالاستاذ ahmed_k
صاحب مدونة دردشه بالعربى

اللى ممنعهوش بعد المسافه بين القاهره والغردقه

وارسل مشاركة عبر مكتب شحن

ومش كدا بس دا بردو شاركنا يوم بؤجة الخير

وبردو ارسل مشاركتة فى السوبر جيت

الف شكر ياابو حميد

وفخور جدا بصداقتك

وطبعا اهل بورسعيد

الناس اللى معانا فى كل المشاركات

بابا ابو خالد

دكتوره جنه

ايناس نهر الحب واختها نسمه
والحاضرون الغائبون
داليا صاحبة مدونة (اهو دا عيبه)
واختها دعـــاء

ربنا يحفظكم يارب فخور جدا بيكم

وفخور جدا انى صديق ليكم
د
كـــــــوارث الاستاذ طارق ابن طنطا
البلد اللى غاليه عليا قوى (قلبى فيها طاير حاير )

اللى جاه وشارك معانا ووعدنى بالكتاب بتاعه

خالى بالك انا مش هنسى يعنى اعمل حسابك

المره الجايه مش تنسى الكتاب

سعيد جدا انى اتعرفت عليك يا استاذ طارق

طهقااانه ومفروسه بنت كفر الشيخ الاستاذه همس

فخور جدا بتعرفى عليكى رغم انه مش اتكلمنا كتير

بس الجايات اكتر ان شاء الله

الناس بتوع المنوفيه

دعاء مواجهات ساره بلاعة الحكومه

سوووومه المجنونه
وكمان من السويس
الصحفيه ريمـــو
صاحبة مدونة
بنات صاحبة الجلاله

خايف اكون نسيت اى حد

بس محدش يزعل منى لو كنت نسيت

وطبعا اهل القاهره مش عاوزين انى ااقول اساميهم

بس بردو ليهم الف شكر

والف شكر انى اتعرفت عليكم

وفخور جدا بكم اصدقائى

ممممممم

ابن حجر العسقلانى والباحث عن الحقيقه

ثاااانيكو على تعبكم معايا

لما بسبوستى عطلت وتعبكم معايا لما رحنا صلحنا فاردة الكاوتش بتاعتها

وكل سنه وانتم طيبين

وع الخير دايما متجمعين

وكل رمضان وانتم صايمين

قائــــــمين

مزكيـــــــين

ولربكم طائعيـــــن

ولليلة القدر منتظريـــــــــن

وان شاء الله ف العيد

معيديــــــــــن
وللعديه ليا مش ناسيـــــــــــــن


احمد سكر

الأحد، 7 سبتمبر 2008

ابو الريش يارب تعيشو


السلام عليكم ورحمة الله وبركااته


ملقتش افضل من انى انقل الموضوع زى ماهو


طبعا الموضوع ف مدونة بيـــــكيا


الموضوع



كلنا لما بنشوف طفل بيبكى بنضايق و بيصعب عليناو لما يكون بيبكى من الالم او من
المرضى بنكون مش عارفين نخفف عنه ازاى و بنحاول نساعده بأى طريقةلكن تخيل لو فى
طفل مريض بمرض جامد و كمان معندوش امل فى الشفاء لانه ببساطة فقير و معندوش اللى
يساعده و مع كده مش بيبكى لانه اتعود على الغلب من صغره و الرضا بقضاء الله ،بس انت
تقدر ترسم على وشه بسمة .. هتتتأخر ولا هتمد له ايدك ؟؟
الاطفال فى مستشفى ابو الريش بتترواح اعمارهم من حديثى الولادة لحد سن 12 سنة و
حالاتهم المرضية مختلفة من فشل كلوى لمرضى القلب لمرضى الصدر و غيرهمو
المستشفى دى من اكثر المستشفيات فى مصر اللى بتستقبل حالات من مرضى الاطفال
للعلاج مجانا و فى نفس الوقت هى اكتر مستشفى مش بيوصل لها مساعدات و ده نتيجة انها
مش وخدة حقها من الاعلامو علشان كده وقع اختيارنا عليها بعد ما كنا قلنا ان الخير القادم
للاطفال مرضى السرطان لكن فضلنا ان مساعدتنا تكون للاكثر احتياجا بسؤال ناس كتير
من دكاترة و اخصائيين اجتماعيين
فبناشد كل القلوب الرحيمة انها تشارك معنا فى رسم بسمة على شفاه الاطفال المرضىو ده
هيكون يوم السبت 13 سبتمبر الساعة 3 نتقابل قدام المستشفى و هى قريبة من القصر
العينى الفرنساوى
و المشاركة هتكون هدية منك للطفل بمناسبة رمضان و العيد زى لبس العيد او لعبة او
عيديته او حتى لو مش قادر ممكن تشترى شوية حلويات لهم و انت قدرتك بس حدد لنا
هديتك هتكون ايه و ابعت لنا ايميل بها و كمان لازم تكون جاد لان حرام نعشم طفل برىء
بهدية و فى الاخر متوصلش لهو صعب اننا من دلوقتى نحدد اعمار الاطفال لان بسؤال
المستشفى لاقينا ان الاطفال ممكن تدخل و تخرج من المستشفى فى خلال يومين تلاتة
علشان كده يوم الخميس هنعمل زيارة للمستشفى و نحدد الحالات اللى اكثر مرضا او
احتياجا و نبلغ كل واحد باسم الولد اللى هتكون هديته موجهة له
تذكر ان الاطفال احباب الله و ان الرسول الكريم قال عن انس رضى الله عنه : { أيما رجل
يعود مريضا , فإنما يخوض في الرحمة فإذا قعد عند المريض غمرته الرحمة قال : فقلت : يا رسول الله هذا للصحيح الذي يعود المريض فما للمريض ؟ قال : يحط عنه ذنوبه }
فلا تتاخر عن زيارة احباب الله و عن ان تغمرك الرحمة فى هذا الشهر الكريم
و ارجو كل اللى يدخل يساعدنا على نشر الموضوع بانه يضيف البانر ده



و فى انتظار ايميلاتكم على

kouskoza7@hotmail.com
butterfly_549@hotmail.com

ملحوظة اخيرة : هيكون فى نفس اليوم الافطار الجماعى للمدونين اللى يحب يشارك معنا

اهلا و سهلا به بس بردو يبلغنا على الايميل علشان نعمل حسابه و نبعت له التفاصيل

طبعا الموضوع منقول من مدونة بيكيا للبيـــع

دا رابط المدونه

http://bekyaforsale.blogspot.com/

احمد


الأربعاء، 3 سبتمبر 2008

افضل ثلاث ساعات فى رمضان

بسم الله الرحمن الرحيم


السلامـ عليكم ..
اليكم افضل 3 ساعات بهذا الشهر الفضيل
لنعمل جاهدين على أن تكون هذه الساعات
أقرب الساعات التي نقترب فيها الى الله سبحانه وتعالى
لأن الدعاء فيها مقبول باذن الله





الساعة الأولى :
(أول ساعة من النهار _ بعد صلاة الفجر)
قال الإمام النووي رحمه الله في كتاب الأذكار
(اعلم أن أشرف أوقات الذكر في النهار الذكر بعد صلاة الصبح ).
وأخرج الترمذي عن أنس رضي الله عنه عن النبي صلى الله عليه وسلم أنه قال: (من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كآجر حجة وعمرة تامة تامة تامة )رواه الترمذي وقال حديث حسن .
وكان النبي صلى الله عليه وسلم إذا صلى الغداة جلس في مصلاه حتى تطلع الشمس حسناء .
ونص الفقهاء على استحباب استغلال هذه الساعة بذكر الله تعالى حتى تطلع الشمس وفي الحديث(اللهم بارك لأمتي في بكورها ).
لذا يكره النوم بعد صلاة الصبح لأنها ساعة تقسم فيها الأرزاق فلاينبغي النوم فيها بل احيائها بالذكر والدعاء وخاصة أننا في شهر رمضان الذي فيه يتضاعف الأجر والثواب .



الساعة الثانية :
(آخر ساعة من النهار _قبل الغروب)
هذه الساعة الثمينة تفوت على المؤمن الصائم غالباً بالانشغال بإعداد الإفطار والتهيء له وهذا لاينبغي لمن حرص على تحصيل الأجر فهي لحظات ثمينة ودقائق غالية .. هي من أفضل الأوقات للدعاء وسؤال الله تعالى فهي من أوقات الاستجابة .
كما جاء في الحديث ( ثلاث مستجابات :دعوة الصائم ،ودعوة المظلوم ، ودعوة المسافر )رواه الترمذي.
وكان السلف الصالح لأخر النهار أشد تعظيماً من أوله لأنه خاتمة اليوم والموفق من وفقه الله لاستغلال هذه الساعة في دعاء الله .





الساعة الثالثة
:
(وقت السحور)
.السحور هو الوقت الذي يكون قبيل الفجر قال تعالى (والمستغفرين بالأسحار ).
فاحرص أخي الصائم على هذا الوقت الثمين بكثرة الدعاء والاستغفار حتى يؤذن الفجر ، وخاصة أننا في شهر رمضان فلنستغل هذه الدقائق الروحانية فيما يقوي صلتنا بالله تعالى.
قال تعالى حاثاً على اغتنام هذه الساعات الثمينة بالتسبيح والتهليل :
( وسبح بحمد ربك قبل طلوع الشمس وقبل غروبها ومن آناء الليل فسبح وأطراف النهار لعلك ترضى).
وقال تعالى :
(وسبح بحمد ربك قبل طلوع الشمس وقبل غروبها ومن الليل فسبحه وأدبار السجود ).
وأخيرا
نسأل الله ان يبلغنا رمضان
وان يعيننا على ذكره وشكره وحسن عبادته
وقراءة القرآن أناء الليل وأطراف النهار




موضوع منقوول من منتدى(نبض المشاعر )

صاحبة الموضوع باسم (عطر الندى )

رابط الموضوع http://www.nbbbd.com/vb/f55/t28678.html

ولا تنسونا من الدعاء

كل عام وانتم بخير

ناقل الموضوع
احمد/سكر

السبت، 30 أغسطس 2008

اللهم تقبل منا رمضان

كل عام وانتم بخير
اللهم تقبل منا ومنكم ان شاء الله

الأحد، 24 أغسطس 2008

انتظرك حبيبتى !!!


انتظرك حبيبتى


أنتظرك ولو طال الانتظار


انتظرك حبيبتى فلا تطيلى بى الانتظار


وساظل باقى على حبنا دون انهيار


وساظل احبك مها تغربت وطالت بيا الاسفار


اسافر بلادا وبلاد وارى اناسا واناسا وحبك فى قلبى بااقى دون انحسار


ارجوكى لا تطيلى بى الانتظار


يا من عشقتك دون اختيار


يا من هويتك وجعلتى قلبى يرقص على تلك الاوتار


اوتار الحب والعشق والهيام


انتظرك حبيبتى فلا تطيلى بى الانتظار


انتظر يوم ان نتلاقى ونتعانق بحب وانتصار


انتصار على آلام البعد وآلام الانتظار


عودى حبيبتى حتى لا يصبح انتظارى لك انكسار

الاثنين، 18 أغسطس 2008

اشتقت اليكى



اشتقت اليك يامن عشقت هواكى
اشتقت الى ان التقى بعينيكى
اشتقت لكل همسه من شفتيكى
اشتقت اليكى اشتق اليكى
اشتقت لهمساتنا معا
لحديثنا معا
لخلافتنا معا
اشتقت اليكى يا من عشقتك بقلبى قبل عقلى
اشتقت اليكى يامن هويتك بروحى قبل قلبى
اشتقت اليكى يا من احببتك بروحى وقلبى وعمرى
اشتقت اليكى فعودى انا بانتظارك
عودى اتمنى رؤاياك
اشتقت اليكى يا من احببتك واحببتك وااحبتك
اشتقت ايكى فارحمى قلبى المشتاق
وارحمى شخصا لحبك قد داب
عودى حبيبتى انتظرك بلهفه واشتيااق





عذرا اصدقائى لتقصيرى معكم


احمد

السبت، 26 يوليو 2008

كان يوم مش عارفه عامل ازاى




أعلن انا آبى هانم بتنجانى انى احتلت مدونة المدعوة سنكرة / احمد سكر وده لمده يوم واحد بس علشان اقوله



كل سنه وانت طيب يا اغلى اخ فى الدنيا




احمد زى النهارده من كام وتسعين سنه اتولد فى ليله والدته بكت فيها
لاااااااا متفهموش غلط من شده الالم يعنى
لانه كان نازل فى ايده مفك وطيارة هههههههههههههههههههه

كل سنه وانت طيب
ويا رب فى وسطنا دايما

وكل واحد يجيب عشره جنيه من حق التورته اللى جبتها لكم تكلوها دى مش مجانى هى هههههههههههههههه




ملحوسه خبيثه :- انا هغير الباس وورد واحتل المدونه على طول ههههههههههههههههههههه محدش يقول لاحمد بقى ودى مفاجعة عيد ميلاده

الأربعاء، 23 يوليو 2008

اعتذار شديد

السلام عليكم ورحمة الله وبركاته



انا محرج جدا منكم والله



لانى فعلا مقصر بشده



بس والله غصب عنى



رجاءا تقبلو اعتذارى



ومن غير مااطول عليكم



دعواتكم ليا بالتوفيق



واتمنى ميكونشى حد زعل منى اوانى جرحت فى اى انسان



واتمنى اكون سبت علامه طيبه داخل كل انسان انا قابلته او سبت عنده تعليق



بجد تقصيرى مدايقنى



والتزامى معاكم اللى انا اخليت بيه مدايقنى اكتر



لدرجة انى بجد بفكر اعتذر نهائى وااقفل المدونه



لانى فعلا مقصر



فرجــــــــــاء



تقبلو اعتذارى



وان شاء الله بعد مااجى من السفر



يكون ربنا يسر الحال



واكون معاكم بقوه من جديد



وان مكنشى يبقى !!!!؟؟؟



اشوفكم ع خير



احمد

الأحد، 6 يوليو 2008

مغامره فى البحر !!؟؟

السلام عليكم ورحمة الله وبركاته

ويلكمووو اصحابى عاملين ايه

متاخر عليكم فى كل شىء

سواء بوست او متابعة مدوناتكم او الردود على تعليقاتكم

بس انا عارف قلبكم الطيب هتسامحــــــونى

تعالو بئه نعيش موقف تاااانى حصلى

بس الموضوع دا من 12 سنه تقريبا

موضوع مطبوع فى ذاكرتى العمر كله

ومش هنساااه ابدا

تعالو ندخل ف الموضوع علطول

المكان / قريه من قرى الريف المصرى

الزمان / من يجى 12 سنه كدا وشوية شهور

الحدث /000000!!!؟؟؟؟

دا اللى هنعرفه من خلال السطور

اا فى الوقت كنت لسا مخلص دراستى الثانويه

وكان ليا اصحاب ف القريه بتاعتنا

اللى كنت قاعد فيها وكنت بروح مصر ااقعد مع بابا وماما واخواتى

ويوم الخميس او الجمعه اروح ااقعد مع اصحابى كنا بنسهر للصبح كنا بنسهر ع البحر

فا كانت بتطق فى دماغنا حجات كدا كنا بنعملها علطول

مره من المرات دى وكانت الساعه 1 بعد نص الليل

وكنا قاعدين ع البحر المهم طقت ف دماغنا اننا نزل البحر وكان الجو شتا

ومفيش حد تقريبا غيرنا صاحى فى القريه كلها

المهم الحتة دى كانت حوليها اساطير فى قريتنا عن الجنيه بتاعة البحر وكدا

بس احنا مكناش بنخاف

طب وبعدين هننزل البحر ازاى والمكان بليل مرعب لوحده والبحر ظلام دامس

والجو شتا يانهار ابيض طب ايه يغصبنا على كدا اهو جنان بئه وخلاص

المهم اتراهنا على كيلو بسبوسه ( يارودى من هنا جاه حبى للبسبوسه )

اترهنا على اللى يعدى البحر يعدى البر التانى (البحر تقريبا بين البر دا والبر التانى 500 متر )

يعنى يدوب كنا بنشوف البر التاانى بالعافيه

طب ماهو ممكن اى حد ينزل ويقعد يبلبط ف الميه ويقول انا عديت

ااقولكم لاء ياحلوين فى البر التانى كان مزروع فول سودانى وكان الرهان اللى يجيب طبعا فول سودانى من ال

البر التانى وبكدا نعرف انه عدى فعلا المهم انا وتامر صاحبى اللى اتراهنا مع بعض اتحينا بعض يعنى

وقلعت الهدوم وكان الجو برررد بس سسبحان الله الميه كانت دافيه المهم نزلت وعمت وانا واااد عويم درجه اولى

وتامر كان جنبى وفجأه تامر ضرب غطس وقعدت ابص حوليا فين تامر فين تامر

مفيش تامر قلت الواد هيعدينى قعدت اعوم واعوم واعوم لغاية ماعديت البر التانى وبردو مشفتش تامر

قلت يمكن جاب السودانى ورجع او لسا مجاش اصلا

انا اخدت شوية سوداانى و8هووووب نطيت ف البحر تااانى

ورجعت ع الشط ع البر التانى وهنااك

كانت مستنيااانى مفاجأه رهيبـــــــــه

ودا اللى هنعرفه ف الجزء القاااادم

من غير ضرب وحياااتكم

يلا بئه خمنو معايا ايه حصل ؟؟

وايه مستنينى ف البر التااانى


تحياااتى

احمد سكر

الأحد، 29 يونيو 2008

فخور بكم اصدقائى


السلام عليكم ورحمة الله وبركاته

اترددت كتير قبل مااكتب البوست دا

لان كل كلمه فيه مش هقدر بيها اوصف افتخارى بكم اصدقاء اعزاء

نعم فانا فخور كل الفخر بصداقتكم

بأناس لم ارهم ولم يرونى ويعاملونى تلك المعامله

بأشخاص غيرو نظرتى للحياه

بأشخاص رايتهم وأونى واصبحنا اصدقاء حميمين جدا

ابتعليقات كتير جعلت الدمع ينهمر على وجنتاى

مش عارف ااقول ايه

الموقف اللى حصل من الناس اللى صدمونى رغم انى تألمت منه جدا

بس رغم كدا فيه ايجابيات ظهرت منه

الا وهى انى رايت وعرفت اشخاصا افتخر بهم الان

انا صراحه مش عارف اتكلم بس يارب المعنى يكون وصل
وهو انى فخووووووووور بكم

وفخور اكثر انى منكم

واشكركم جدا على تعليقاتكم

اللى فتحت ليا باب النور من تانى


اصدقائى احبكم فى الله
ممممممممممم
واوعدكم ببوست هيكون تحفه ان شاء الله
قبل بوست مغامرة طريق الغردقه
هحكيلكم موقف حصل ليا فى .......... ؟؟
دا اللى هنعرفه فى البوست الجاااى
ملحوظه صغننه
معلشى انا عارف انى مقصر معاكم
بس والله النت سىء جدا عندى
وانا من هنا بعتذر ليكم كلكم
مممممممم
وعارف انكم هتعذرونى
ملحوظه تااانيه كبيره
ثانكيو لاختى الجميله (ابى)
على التعديل ف البوست
وحاجه تانى
بجد يا جماعه البنت دى بمائه راجل والله
بجد اللى يعرفها اكتر مش هيختلف ابدا على اللى انا قلته
احمد

الثلاثاء، 24 يونيو 2008

عذرا صديقتى

عذرا صديقتى فهى لا تستحق

نعم لا تستحق ان اكتب لها بوستا كاملا

عذرا صديقتى فهى لا تعنينى

عذرا صديقتى لن اكتب حرفا فى موضوعها

فالامر كاملا لا يعنينى

وكلا منا عمل بضميره

وكل اناء بما فيه ينضج

عذرا صديقتى فهى لا تعنينى

اناس كاذبون بمشاعر الاخرون لا يبالون

فهم عندى لا يستحقون

عذرا صديقتى هم الخاسرون

فقد خسروكى من قبل

والان هم ايضا الخاسرون

فعذرا صديقتى لن اكتب فيها حرفا فهى لا تستحقه

ولا تستحق ان افكر بها

عذرا صديقتى

فقد تعاملت معها بتلاقئيه

وعاملتها بصفو نيه

فعذرا صديقتي

بعا هتقولو ايه الكلام دا

لا ايه التهييس دا

اعتبروه تهييس

بس بجد انا مصدوووم جدا

مصدوم فى ناس اتعاملت معاهم بتلقائيه

ومكنتش اعرف ان الواحد المفروض يتعامل مع الناس بحرص

متشغلوش بالكم

واعتبرووه تهيييس

واسف انا مقصر معاكم كلكم

بس والله نفسى مسدوده جدا

اعذرونى اخوتى الاحباء

اعذرونى ساكتفى بكم اصدقاء خلف ازارار الكيبورد فقط !!؟؟

واعذرونى رابع لانى متاخر عليكم

فى ردى على تعليقات البوست اللى فات

والله نفسى مسدوده

انا اسف ليكم كلكم

احمد

الثلاثاء، 17 يونيو 2008

مكالمــة طوارىء !!؟؟

السلام عليكم ورحمة الله وبركاته

ايه الاخبار

طبعا كلكم متشوقيين تعرفو الجزء التانى صوووح

وبيتهيأ لى لو قلتلكم انها بعته !!!!!!!!

او انه حلـــــــــــــم

او انا كنت بهجص عليكم

بيتهيألى هتقتلونى

وعلى راى اابى بتقولى حرام عليك

الناس قربت تكرههك من اللى انته عملته فيهم

بس محدش فيكم خمن خالص انا طلعت من الموقف دا ازاى

او فاتنى انى ااقولكم اللى هيخمن التخمين الصح

ليه عندى جايزه

بس يلا ملحوقه فى البوست القادم (مغامره على طريق الغردقه )

وهعمل فيها جوايز وكدا هههههههه

ايييييييييييه مالكم مبحلقين كدا ليه ومتنحيين كدا ليه

لا والنبى محدش يستعجلنى لحسن اسيبكم كمان اسبوعين وااقلكم بعد مااجى من شرم الشيخ

ايوووووووون كدا اتعدلو

بص ياسيدى

بصى ياستى

اممممممممممم
بتبصو على ايه ؟؟؟ (وش مطلع لسان )

طب ليه كدا يعم ربنا يسامحك بتقول انى دمى تقيل

ماسى ماسى

نخش ف الموضوع

طبعا المره اللى فاتت وقفنا لما الفلحوسه مراتى

قالت هو احنا عندنا طبنجه اصلا وراح مغمن عليها تانى

واللى عرفته بعد 3 سننين انها كانت عاملا نفسها مغمن عليها ههههههههه

ولما سالتها كنتى عاملا نفسك مغمن عليكى ليه

قالت يمكن اصعب عليهم هههههههه

المهم انا مكنش معايا رصيد ف الموبيل
الموقف متأزم

الحراميه بقو ف الشقه

الناس كلها نااايمه

ندهت عليهم محدش عبرنى او بمعنى ادق محدس سمعنى

طبعا كل التفكير دا فى اجزاء من الدقايق

يعنى الموقف كله تقريبا مكملشى ربع ساعه

من ساعة ما صحانى حماده لغاية ما الموقف خلص

طب وخلص ازاى بئه الموقف
ااقلكم

فى الاوقات دى كان فيه حاجه اسمها مكالمة الطوارىء

تطلب رقم 112 حتى لو مش معاك رصيد دا بيحولك مكاتلمة طوارىء

بيوصلك بشخص وانت وحظك بئه

المهم انا افتكرت الرقم دا علطول قمت متصل بيه

رد عليا شخص قالى خير

قلتله انا تاجر كبير اااوى وفى حراميه بيحاولو يفتحو باب الشقه

وهما عددهم كتير

وانا معايا نص مليون جنيه

المفروض اورده للبنك الصبح

ايووووووووووون هجصت عليه علشان يهتم ويعمل حاجه ههههههه

صراحه الراجل كان زوق جدا

وقالى طب بس استنى انا دلوقتى ف الزقازيق

قاطعته قلتله نعممممممم زقازيق ايه انا ف القاهره

وهنمووووووووت

هيدبحوونا

ههههههههههههههه

وفجأت لقيت ليكم ام محمد بتصووووووووت

هههههههههههههههههههههه

من غير مااقلها صوتت طبعا الراجل سمع هههههههه

وقالى طب اصبر هوصلك بالقسم اللى انت تابع ليه

قلتله علبال اصلا هما ما يتحركو نكون بقينا فى خبر كااان

وهوووووووووووب خطرت ع بالى فكره

طالما انه ممكن يوصلى مكالمه

طيب اديله رقم حد من جيرانى

المهم عرضت عليه الفكره قالى ماشى ملينى الرقم

هوصلك بيهم

وفى نفس الوقت هتصل بالقسم اللى انت تابع ليه

وفعلا اديته رقم تليفون ابو حماده جااارى

صاحب البيت اللى انا واخد فيه مصنع الزيت

هو ضابط متقاعد من الجيش وعلطول سهران
رد عليا ابو حماده

قلتله الحقنى الامر كذا كذا كذا

وبسرعه قالى طب ااقفل

نزل ابو حماده

وصحى الناس اللى فى الشارع

الافنديه طبعا حسو بالموقف دا

ابتدو يهربو

وكااااااااانت المطارده

ههههههههههههههه

و....... و .......

الى اللقاء ف الجزء القاادم

اااااااااااااااااى

اااااااااااى

مين بيحدف

يانهار ابيض انتم بتضربو

طب عاوزين ايه ؟؟

حاااااااااضر هكمل بس انا تعبت

طب ممكن اروح اشرب حااجه واجى


ممممممممممم

طيب طيب

المهم الناس اتلمت وهما حسو بيهم وابتدو يهربو

وزى ماتقولو كانو عاملين حسابهم

لشىء زى كدا

او هما مدربيين
بس مييييييييين

انا بئه اتشجعت وطبعا الناس ابتدو يطلعو ع السلم

هما بسرعه خرجو من باب الشقه

وطلعو ع السطح

واللى ف البلكونه بردو زى مكان مانزلو راحو يطلعو تاانى

الناس اللى بتهرب من الشقه جريت عليهم

لقيت واحد مطلع سيف

اه والله سنجه او سيف

قمت بسرعه رجعت تااانى وقفلت باب الاوضه

بس الناس اللى كانو طالعين ع السلم كانو عاملين حسابهم

وطالعيين بشووم

وبعصياان

قعدو يهوشو ف الناس

والناس تضرب عليهم

اربعه هربو

من فوق السطوح للبيت اللى جنبنا للى جنبه

ومسكنا اتنين

بس ااااااااايه

اتهررررررررو ضرب

والشارع كله صحى لاء دى المنطقه كلها صحيت

ههههههههههههههه

الشرطه جت الساعه كااام بئه ؟؟؟؟؟

الساعه 7 صباحا

وانا متصل بيهم من الساعه 4 ونص

وبعد مامسكناهم اتصلنا بيهم اكتر من مره

علبال ما جم

والحمد لله ربنا سترها

طبعا الحراميه جابو بعض مهما قرو عليهم وعلى عنوانينهم

والى اللقاء فى مغامره اخرى قاادمه

تحياااتى

سنكررررروز

الجمعة، 13 يونيو 2008

حــــــراميه!!!؟؟؟؟


السلام عليكم اخوتى الاعزاء

العائله المحترمه الاخوه الرائعون

اصدقائى احبائى فى الله والله بحبكـــــم

طب يعم خلص هات من لاخر هتقعد تمدح فينا كتير

كدا انت مش هتبطل رغى علطول لوك لوك لوك اختصر ياحاج

طب يعم مالك بتزق كدا ليه انا بسلم بس على اصحابى اصل نومتى طولت

من بعد ماجيت من السفر وانا نايم ف الخط ههههه مكسل عن كل شىء وكنا هنتحبس

بس ربنا ستر والحمد لله والبنت ابى لحقتنا الله يسترها ثانكيو الجميله ابى

محدش يسأل هى عارفا وانا عارف وامن الدوله عارفا ههههه

ندخل ف الموضوع اولا انا بعتذر لحبايب قلبى كلهم اللى بعتولى


تاجات كتير اوى وانا اللى كنت زمان اول ما ادخلت التدوين

كنت بحلم بتاج واحد جالى تاجات كتير اوى
من اختى الرقيقه
سالى

والغاليه على
قلبى ام احمد

والجميله ذات القلم الراقى رانـــــدا

وصديقتى الجديده
طائر حزين

واختى الرقيقه شيماء الجارحى

وصديقتى الحميمه
عاشقة النقااب

وصراحه جتنى تاجات كتير اوى

لدرجة انى كنت بهرب منهم

علشان عاوزا دماااغ وقاعده ع الرايق كدا الواحد يمخمخ فيها

وانا زى ما انتم عارفين مش بلحق ااقعد

وكل شويه مسافر غصب عنى والله
بعتذرليكم كلكم انى هأجل الرد عليها مونكن ؟؟؟؟

طب انت داخل ليه وعاوز تقول ايه

لما ان مش هترد على التاجات

ماشى يعم الحلو ياللى ماسكلى ع الواحده

هحكيلكم حكايه حصلت معايا
من 4 سنين

اول مااشتغلت فى المطار قبلها انا كنت صاحب
مصنعين

بتضحك ليه ياض انت وهـــو ايوا والله كان عندى
مصنعين

مصنع لتعبئه المواد الغذائيه السائله (زيت وخل )

ومصنع لتعبئه المواد الغذائيه الجافه (سكر –ارز – مكرونه – فلفل – وفاصوليا 00000الخ)

ايون انا اسمى جاه من هنا احمد سكر كناية لمصنع السكر

وحكايتى مع المصنعين ازاى بدأت وازاى كبرت وازاى اخترت بينها وبين شغلى فى الطيران

داان شاء الله هحكيه فى بوست بس هيكون طويل اااوى اااااايه ماااالكم متفاجئين ومزمهليين كدا ليه

دى حقيقه والله الله طب فين الحكاايه ااقلكم يعم انت وهى

الحكااايه انتى كنت هندبح ان والاولاد وزوجتى واخويا

اه والله رغم ان اموضوع مخيييف الا اه كوميدى فى نفس الوقت

بص يعم

انا اول مااشتغلت فى المطار وعرفت انى هيكون فى ورديات وكدا

قمت ايه مأمن ابواب الشقه والنوافذ والبلكونه وركبت ليهم حديد

علشان ام محمد متبقاش قلقانه لما اسافر برا مصر

ودا من حسن حظى

المهم فى يوم دخلت انام وفييين قبل الفجر لقيت
محمد اخويا

بيخبط على باب اوضتى وبيصحينى

قمت بقوله فى ايه قالى انا حاسس باصوات برا باب الشقه

قلتله بطل تهيأت ونام انت جمعت الفلوس ؟؟؟

(الفلوس دى بنجمعها من التجار بليل بعد توزيع البضائع ف النهار)

وكان محمد بيجمع يوميا فوق ال 50 الف جنيه حاجه فيها الطمع يعنى

المهم هما كانو مراقبين بيتنا واستنو لما حماده طلع فوق والناس اللى فى شارعنا نامو

وكانو طبعا مرتبين كل شىء فتحو باب البيت الرئيسى وطلعو لفوق عند شقتى وبحمد ربنا انى كنت مأمنها

وجزء طلع فوق السطوح ونزل من البلكونه ايون دخلو بلكونة شقتى منا قاعد فى اخر دور فى البيت

المهم محمد حس بيهم وقال ايه بيصحينى ههههههه المهم هو اصر انه سامع اصوات

وانا ااقله مفيش حاجه لغاية ماسمعت الاصوات بودنى طبعا كل كلامنا بالهمس انا ومحمد

كان ساعتها معايا محمد ابنى لسا صغير بس مكنش محمود لسا شرفنا دخلت فى اوضته جبته وصحيت ام محمد براحه

ودخلت حماده اوضتى وقفلناها بالمفتاح وهما لسا برا باب الشقه بيحاولو يفتحو والمجموعه اللى فى البلكوه بردو بتحاول

واحنا محبوسين فى اوضتى

طب اعمل ايه

مكنتش لسا دخلت تليفون ف البيت

والمحمول مكنش فيه رصيد لحظى العاثر اخر مكالمه كنت عاملها قبل ماانام

ومحمد اخويا بردو رصيده كان مفنش طب اعمل واتصرف ازاى ودول لو دخلو

مش هيسيبو فينا حد سليم ياقاتل يا مقتوول

فتحت الشباك انى الاقى اى حد ماشى فى الشااارع ابداااا

ااقى حد فىبلكونه حتى صاحى ابدااااا

واحد من الحراميه شافنى زى ماتقولو كدا ترقب اللى هيحصل

المهم ولا اكنه شافنى وقعد يكمل

مهو الجو شتاء وهما مختارين توقيت قااتل الساعه تقريبا كانت 4بعد نص الليل

طب اتصرف ازاى ام محمد قاعدا منكمشا كل اللى عليها هيدبحونا هيدبحونا

وحماده اخويا هو كمان متوتر مش هقلكم انا ركبى كانت بتخبط فى بعضها

قعدت ادبدب برجلى لى الناس اللى تحت محدش عبرنا وهما اللى كانو قارفنا لو حد جاه

من اولاد اخواتىولعب ف الشقه ودبدب ولا حاجه

المهم قلت اعمل فيها شجاع وقلت اعمل زى الافلام

قعدت انده فى الشارع يا ابو محمد دا جارى

ياابو وليد يا حاج احمد كل دول جيرنى

ان حد يعبرررنى ابدااااااااااااااااااااااااا

باب الشقه اتفتح يا ليله سودا دخلو فعلا الشقه

طب اعمل ايه اتصرف ازاى هياخدو الفلوس

طب انا شفت واحد منهم وهيقولوهم انى شفته يبقو مش هيسيبونا
صوتى ياام محمد

ام محمد اغمن عليها ههههههه قوووم ايه استجمعت قواايا وقلت باعلى صوتى

هاتى الطبنجه يااممحمد من تحت السرير طب الوليه
مغمن عليها

المهم الفلحوسه تصحى ع الكلمه دى وتقولى باعلى صوتها وتسمعهم

هو احنا عندنا اصلا طبنجه ااااااااه يااا ناااصحه

طب عديها واعملى فيها ان احنا عندنا طبنجه

وو0000 اممممممممممممممم

كفايه عليكم كدا

وانتظرو الجزء الثانى

مكالمـــــة طوارىء

احمـــــد ســـــــكر

الاثنين، 9 يونيو 2008

عودا احمـــــدا !!!!؟؟؟؟

السلام عليكم ورحمة الله وبركااته
وحشتونى جدا اصدقائى الغاالين
ايون هو انا سكر بشحمه ولحمه
رجعت من السفر بعد انقطاع المصروف ههههههه
ااقصد انقطاع الماموريه لاسباب لا نعلمها
ماعلينا وحشتونى جدا
استاذنكم اناااام شويه واستريح
وبعد كدا الف عليكم كلكم
لان بلوجاتكم كلها وحشااانى
للاسف مكنتش بعرف ادخل بلوجات من برا
تحيااتى
احمد سكر

السبت، 31 مايو 2008

مغامره على الطائره

تحديث
=========
اشوفكم على خير
هنغيب عن المدونه 15 يوم
خالو بالكم منها
هتوحشونى جدا
االسلام عليكم ورحمة الله وبركاااته

عاملين ايه يا قمامير

حلوه امامير دى وحشتونى جدا وهتوحشونى جدا جدا

طبعا انتم عارفين انى كنت مسافر عمان

ماموريه سريعه كدا قعدت فيها يومين

بس شفت فيهم العجب العجاب

حصلة حتى مغامره فى الطياره

انما ايه من اللى قلبكم يحبها

زى افلام السينما الامريكانى كدا افلام الحركه هههههههه

ال اكشن وحركه ال

ندخل فى الموضوع مش كل شويه رغى رغى كدا

ركبت الطياره الساعه 10.15 مساء

بعد تاخير ربع ساعه عن معادها عادى يعنى

وانا رايح اركب الطياره لقيت اتنين من زملائى تحت الطياره بقول ليهم فى ايه

مش العاده يعنى ايه جايبكم دلوقتى ؟ قالو كان فيه مشكله بسيطه فى
هيدروليك الطياره

وخلاص اتحلت والحمد لله غيرنا الماسوره اللى كانت مكسورره

المهم سلمنا ع بعض واتمنولى التوفيق انا والمهندس اللى معايا

وركبت الطياره وقعدت مكانى وربطنا الحزام واتحركت الطياره

وهوووووب بسرعه الكابتن عمل تيك اووف اقلااع يعنى بالعنجليزى هههههه

المهم حصل اهتزاز ورجرجه فى الطياره وهى بتطير انا والمهندس بيصنا لبعض بصه ذات مغذى

طبعا لان الاهتزاز دا مكنش طبيعى هو قرأ فى عينى وانا قرأت فى عينه التوتر والقلق بس بسرعه

الامور رجعت لطبيعتها والطياره بقت استيبول متزنه يعنى المهم انا بصيت للركاب ولا على بالهم اى شىء

طبعا مهو محدش يفهم اللى حصل الا ناس فاهمه انما هما الامر بالنسبه ليهم عاادى المهم الحمد لله

الكابتن ماشى فى مساره الطبيعى والامور كلها طبيعيه وقووم ايه اشوف ليكم قمر ايون قمر من بتوع الضيافه

جت عندنا وسلمت علينا
ازيك ياباشمهندس

اهلا بيكى

منورين الطياره انا طبعا زمليتكم اى حاجه اندهولى فورا

البنت عنيها زى العثل ههههههه ما انتم عارفين اخوكم بيتوووه فى العيون الغاامضه

اااى ايه دا مين حدف الكرسى دا مااشى مااشى من اولها

طيب مش هكمل ومش هحكى اممممممممممم

طب خلاص محدش يحدف حاجه تانى وانا هكمل

ايون شاطرين وصلنا للاموره اللى عنيها ملياانه غموض

ما علينا انا طلبت نسكااافيه وقلتلها لازم يكون برغوه ههههههه

زى اللى بتعمله قوس قزح ههههههههههههه

المهم جابت النسكافيه وشربته وحطيت دماغى ع الكرسى ونمت

خخخخخخخ خخخخخخخخ لاء لاء مش بعمل اصوات والله وانا نايم


دا علشان الحبكه الدراميه بس المهم انا رحت فى النوم وفجأه لقيت اللى بيصحينى

وهو مخضوض لقيتها دينا ايون منا عرفت ان اسمها دينا المضيفه بتقولى قوم بسرعه ياباشمهندس

الكابتن عاوزك جوا حالا انا لما فقت من النوم حسيت بحركه مش طبيعيه فى الطياره

واهتزاز بسيط مش اهتزاز مطبات هوائيه لاء اهتزاز يدل على وجود عطب فى هيدروليك الطياره

بالخبره يعنى قمت بهدوء علشان محدش من الركااب يحس بحاجه ودخلت عند الكابتن لقيت وشه احمر

وبيقولى عندى تسريب فى الهيدروليك ودا بياثر بالتبعيه على كنترول الطياره فى الجو مهو الهيدروليك اللى

بيشغل اسطح التحكم على الطياره من اجنه وديل وردر

من مكانى بصيت على اللوحه اللى قدام الكابتن لقيت التسريب عالى جدا والموضع فعلا خطير

بعد شويه الهيدروليك كله يتسرب ومش هنعرف نتحكم فى الطياره قلتله احنا بعدنا عن القاهره بوقت اد ايه

قالى ساعه واحنا دلوقتى فوق البحر وصعب نرجع مطار القاهره وااقرب مطار بينا وبينه ساعه

اتصرف ياباشمهندس لازم نعمل هبوط اضطرارى لازم نوقف تسريب الهيدروليك دا

طب وبعدين اتصرفت بسرعه قلت ادخل على كومبيوتر الطياره علشان اعرف مكان التسريب

وبسرعه عرفت مكانه ياااااااه دى نفس الماسوره اللى لسا زملائى مغيرنها طب وبعدين

دا مكانها فى منطقه حساسه علشان اوصل ليها لازم اخرج من الطياره

طب وبعدين لقيت الكابتن جه ووقف جنبى وهو كمان شاف الماسوره وعرف ان مكانها استحاله الوصول اليه

الا بمغادرة الكابينه ومغادرة الكابينه معناه انتحار

احنا على ارتفاع 40 الف قدم درجة الحراره 35 تحت الصفر

الضغط ضااايع خالص برا الكابينه طب والحل ياباشمهندس

كدا احنا فى خطر رهيب المضيفه سمعت الكلمتبنن دول وانهارت

الركاب ابتدت تقلق طب وبعدين ياسكر

هتعمل ايه فى الوضع دا اولادك مستنينك

اصحابك اخواتك

اعمل ايه لو حاولت اخرج برا دا معناه ان نسبة نجاحى 10 % ويمكن ااقل

الكابتن يكاد يتوسل ليا بعنيه بيقولى حياة 300 راكب فى ايدك

المضيفه بصيت فى عنيها دخت وسرحت اكتر

بصيت للركاب وشفت بينهم اطفال وبينهم نساء

طب وبعدين ياسكر الوقت بيعدى هووووووووووب اهتزاز عنييف جدا

الركاب كلها حست بيها هرج ومرج فى الطياااره يانهار ابيض

شافونا واقفين وباب القياده مفتوح

المضيفه مش قادره تطلع تتكلم كلمتين تطمن بيهم الناس

ياااااااااااااه شريط زكريات مر عليا بحياتى كلها

حبى الاول اللى ضاع منى

حياتى اللى مليانه عذاب وشقى وجراح والاام

زواجى تجارتى قبل شغلى فى المطار

شغلى ف المطار احلامى امممممم

حب اخير فقدته
مممممممممممممممممممم

عربيتى الجديده

اولاادى روووح قلبى بابا وماما كل دا فى جزء من الثانيه

القرار فى ايدى
هوووووووووووووب قطع حبل افكااارى اهتزاااز اعنف

مع هرج ومررج اعلا وصويت فى الطياره

والكابتن بيقولى اتصرف والمضيفعه بتتحايل عليا اعمل حاجه

الركاب شافو كدا كلهم قامو وقفو اغلبهم جم جنبى يابشمهندس اتصرف

هنموووت هنموووت الطياره هتقع

ياباشمهندس ياباشمهندس

ياباشمهدنس تتـــــــــعشى ايه

ايه ؟؟؟؟ اتعـــــــــشى ايه ؟؟؟

هو فى ايه ايه انا فييين

ايه دا انا لسا ع الكرسى ايووون

والمضيفه جنبى بتنده عليا بتقولى ياباشمهندس تحب تتعشى ايه

انا كنت بحلم !!!!!!!!!!

ااه انا كنت
بحلم

ههههههههههههههههه

هههههههههههههههههههه

كريزة ضحك رهيبه انتابتنى

وانا عمال ابص للمضيفه والركاب بتبص عليا

وفى عقل بالهم بيقولو ايه المجنون دا هههههههه

امممممممممممممممممممممم

على رأى خيخه

نستفاد ايه من اللى حصل دا

متخليش اى حاجه تقلقك وانت بتركب الطياره

طبعا منظر زملائى اللى كانو بيغيرو ماسورة الهيدورليك

انطبع فى ذهنى خلانى قلقت بعض الشىء مما اثر على احلامى


تحياااااتى

محدثكم /
احمد سكر من على جناح الطياره
والى اللقاء فى مغامرات اخرى قادمه