فلاش بااك
من كم يوم مريت على مدونة موحه (زى الهوى)
كانت كاتبا بوست عن الذكريات
قلت يا واد ياسكر ما تكتب انت كمان عن الذكريات
طيب تعالو نعمل فلاش بااك كدا لعشر سنين فاااتو
تعالو بس كل واحد لو سمحتم يجيب مشاريبه معاه اممممم وكمان اكله
الزمان / من يجى كدا عشر سنين فااتو
المكان / وحده من احدى وحدات الجيش حيث كنت اقضى فترة خدمتى
الساعه مش عارف بئه احنا عاوزين الخلاصه
ماشى ندخل على الخلاصه
فى التوقيت دا انا كنت لسا منقول من مركز التدريب
واتقلت للوحده المذكوره عاليه
انا كنت عايش الدور شويه ومكنتش باكل اكل الجيش
وكانت عامل فيها الواد اللى جاى من تفهنه العزب
المهم جاه وقت الغدا وانا ماكلتش ولقيت الزملاء نازلييين اكل ماشاء الله
وانا الجلاله واخدانى وبقول بردو مش هاكل مع انى ميييت ومفيش كانتين بعد الظهر
جه وقت العشا لقيت واحد من الزملا قالى يادفعه مش بتاكل ليه
قلت ليه بقرف من اكل الجيش
قالى طيب ياابو حميد فى كبابجى جنبنا احنا هنجيب من عنده اكل ايه رايك تجيب معانا
انا فى سرى بئه (هو فاكرنى ايه الواد هيستهبل كباب )
قلتله لاء اصل معدتى مش واخده عليه
ههههههههههههه
قالى مهو مش هنجيب كباب احنا هنجيب كفته دا بيبيع الربع كيلو ومعاه سلطات وعيش
ب اتنين جنيه اممممممممم قلتله معقوله
قالى اه والله وعليه زحمممه موووووت
هات نعمل حسابك علشان نيجى بدرى
قلت ليه خد ياباشا وهاتلى معاك (وانا فى سرى بردو مش مصدق قلت اشتغاله ولا نصبايه من العساكر )
المهم بعد ساعتين ببص لقيته بينده عليا وجايبلى الكيس وجاااى
ايه دا !!؟؟
معقوله دى ريحة الكفته
هى حبيبتى ياااااااااااه وحشتنى ريحتها اوى
ياااااااااااه عدت سنين ياحبيبتى ومش دوقت
هههههههه طبعا كل دا فى سرى
اخدت منه الكفته وماشاء الله طعمها يجنن
ولا علشان انا كنت جعاان المهم انا قمت بالكيس كله اممممممممم وكنت هاكل الفويل كمان
واحد يسالنى هنا يستغبى ويقولى يعنى ايه فويل يا( سكر)
كبر دماغك اعمل مش واخد بالك
المهم علشان منخرجشى من الموضوع انا بقيت كل يوم استنى ابراهيم يجى ينده عليا
ويقولى هات الاتنين جنيه علشان نعمل حسابك
وانا بقيت مدمن الكفته ام اتنين جنيه
قعدنا ع الموضوع دا اد ايه ؟؟
6 شهور كامله طول ماانا فى الوحده (الجيش يعنى ) باكل كفته حتى ايام كتير كانت الجرعه مرتين فى اليوم
غدا وعشا
فجأه وبدون مقدماات الجرعه اتوقفت يؤ جرعة ايه هو ادمااان
ايوا ادماان
المهم الواد براهيم صحبى اللى بقى انتيمى بعد موضوع الكفته دا
قالى كل ما اروح للراجل الاقيه قافل
كل يوم يخرج يلاقيه قاافل
عدى يوم
وكمان يوم
وكمان تلات ايام
وبقو اسبوع
وكمان اسبوع
لغاية انا فى يوم حبيت اعمل فيها مثقف
قلت اجيب جرنال اقرأفيه
وانا بقلب يااخويا فى الجرنال والولا براهيم قااعد جنبى
بيقرأ معايا وهووووب عند صفحة الحوادث
لقيت الولا براهيم اذمهل كدا وتنح
قلتله فيه ايه يااض عملت كدا ليه
وفجأه لقيته قعد يرجع ماسك بطنه ويرجع
انا اتخضيت وببص على اللى كان بيقرأه لقيت خبر عن المحل بتاع الكباب
تخيلو لقيت ايه >>>>>>>>>>>>
ايه التموين قفل ليه المحل
7
7
7
7
7
7
ياريت
طب الضرايب شمعتهوله
7
7
7
7
7
7
كان اهون
طب ايه حصل
الخبر بيقول ايه
فى حمله من حملات وزارة الصحه
على محل ماكولات شهير جدا بجسر السويس
وبعد تحليل نوع اللحوم التى وجدت داخل الثلاجات
وجدت انها لحم حمــــير
يعععععععععععععععععع
اوووووووع
ايون لحم حمير
لحم حمير ياابراهيم قالى اسكت بئه
قلتله حرام عليك ست شهور بتاكلنا حمير
دا احنا اكلنا اكتر من حمااارين
ههههههههههه
وقلتله مصيبه سودا ليكون كان بيدبحها خارج السلخاانه
بقى مش كان اكل الجيش ارحم بردو
تقولو ايه بئه استااااهل
انا طبعا بهزر من هول الصدمه
ست شهور بناكل لحم حمير لغاية مابقينا اممممممممم
عيب بئه
ودا كان موقف طريف
يؤ موقف مقرف مقزز من مواقف الجيش
انتو هترجعو عليا ولا ايه كل واحد معاه كيسه يرجع فيه
ههههههههههه
تحياتى ليكم
انا طبعا بهزر من هول الصدمه
ست شهور بناكل لحم حمير لغاية مابقينا اممممممممم
عيب بئه
ودا كان موقف طريف
يؤ موقف مقرف مقزز من مواقف الجيش
انتو هترجعو عليا ولا ايه كل واحد معاه كيسه يرجع فيه
ههههههههههه
تحياتى ليكم
احمد سكر